En ekki hvað Steingrímur!

Auðvitað er þetta áfellisdómur, en ekki á fjármálakerfið per se heldur þá sem eiga að vera að stjórna því. Og þar fer nú Steingrímur í broddi fylkingar sem fjármálaráðherra. Auðvitað áttu stjórnvöld að vera löngu búin að grípa í taumana strax. Auðvitað átti FME að vera búið að grípa í taumana. Þetta eru eftirlitskerfin sem hafa brugðist og eru svo máttvana að það þarf úrskurð Hæstaréttar til þess að flengja þau!

Hvernig væri nú að fara að líta á stöðu þeirra sem eru ennþá í stórum vandamálum vegna bankahrunsins sem sömur eftirlitskerfi (stórnvöld og FME) bókstaflega sáu ekki fyrir, á einhvern óskiljanlegan hátt. Við erum með 17000 atvinnulausa sem ekki geta greitt sín venjulegu lán. Allt dulda atvinnuleysið þ.e. fólk sem á ekki bótarétt og fer í skóla eða bætur hjá félagsþjónustu. Megnið barnafólk. Hvenær á að taka af skarið og frysta lán þessa fólks þar til það getur um höfuð sér strokið á ný svo dæmi sé tekið. Hvernig væri að stöðva nauðungarsölur uns fólk getur í það minnsta unnið fyrir sér og sínum?

Fussum svei 

Steingrímur telur þetta áfellisdóm? Ó já, það er hann. En hann ætti að spá í hvað almenningur sem kaus hann á þing heldur um hann á þessum tíma. Ef ég væri annað hvort Jóhanna eða Steingrímur þá mundi ég ekki fara út fyrir hússins dyr uns ég hefði lausn fyrir almenning.

Amen

Meiriháttar áfellisdómur

Athugasemdir

[Agla, 18.6.2010 kl. 15:49]

Algjörlega sammála!

Fjármálakerfinu okkar er vonandi ekki stýrt af geimverum?

[Hrólfur Þ Hraundal, 18.6.2010 kl. 17:24]

Jaá !!! þurfum við ekki að vekja fjármála ráðherrann.

 

[Lísa Björk Ingólfsdóttir, 18.6.2010 kl. 20:45]

Er hann ekki jarðfræðingur? Hvað skyldi hann vita mikið um hagfræði? Spurning hvort ekki sé betra að fá hæfari mann til starfans.