Sannur baráttumaður og hetja.

Ég vil minnast sanns baráttumanns og hetju sem lét lífið í dag eftir að ekið var á hann á Snorrabraut. Viðkomandi var í kjarnahóp Hreyfingarinnar, Heimavarnarliðinu og barðist ötuglega fyrir réttlæti og sanngirni landsmanna sinna. Maður sem var dáður af félögum sínum enda með létta lund og sannan baráttuanda. Maður sem aldrei lét sig vanta til að ná fram réttlæti okkar landsmanna, meðan aðrir sátu heima og bölvuðu ríkisstjórninni án þess að taka nokkurn þátt í því öfluga starfi sjálfboðaliða sem hafa lagt sitt af mörkum til að reyna að endurreisa siðferði á Íslandi og réttláta hugsun

Það er stórt skarð í okkar röðum eftir fráfall þessa ágæta og yndislega manns.

Ég og félagar mínir erum full samúðar með konu hans og börnum. Konu sem var hans líf og yndi og tók fullan þátt í baráttu hans til réttlætis. Enda baráttukona sjálf.

Það er með ólýsanlegri sorg sem við kveðjum okkar kæra vin og félaga og biðjum alla verndarengla að vaka yfir hans nánustu.

Við munum aldrei gleyma þínu góða framlagi í þágu réttlætis á Íslandi.

Megi vera til fleiri hetjur eins og þú.

Með einlægri virðingu.

Lísa

 

Ekið á gangandi vegfaranda

Athugasemdir

[Páll Heiðar (IP-tala skráð) 19.12.2010 kl. 04:15]

Frábærlega skrifað Lísa mín. Þetta segir minn hug til þessa mikla baráttumanns

[Jenný Stefanía Jensdóttir, 19.12.2010 kl. 04:49]

Hluttekning!

Hugsi þó,  yfir því hvert tilfinningalegt svigrúm gagnvart aðstandendum hafi horfið.