Finnur hann þef af falli ríkisstjórnarinnar?

Þá er auðvitað um að gera að tala sama tungumál og þorri þjóðarinnar - svona rétt fram að kosningum. Eins og síðast. Eins og flestir þessir menn gera.

Ég man eins og gerst hefði í gær hvernig Steingrímur J. var alfarið á móti inngöngu í ESB. En fyrir ráðherrastól, þá var nú annað á teningnum.

Hvort skyldi Bjarni hafa kosið með eða á móti aðildarviðræðum á sínum tíma? Hvað hefur hann lagt til málanna fyrir almenning í landinu?

Kannski fer maður að sjá hann á mótmælunum - það væri þá aldrei.

Umsókn Íslands verði dregin til baka

Athugasemdir

[Ingibjörg Guðrún Magnúsdóttir, 8.7.2010 kl. 22:14]

Sæl Lísa, hann er andvígur ESB held ég, en Sjálfstæðisflokkurinn féllst á að styðja það að skoða þessar aðildarviðræður ef Þjóðin fengi þá að segja orð sitt í 2 Þjóðaratkvæðagreiðlum ef það væri það sem þjóðin vildi. Var fallist á það af Samfylkingunni. Þegar til kom og Þjóðin vildi fá fyrri þjóðaratkvæðagreiðsluna sína og alveg ljóst að mikil andstaða komin þá, svo mikil að ljóst var að þetta yrði fellt, þá steig Jóhanna Sigurðardóttir fram og sagði því miður það er ekki til PENINGUR nema fyrir einni Þjóðaratkvæðagreiðslu... Þetta eru svik og það á ekki að leyfa svona vinnubrögð. Eins og stað er núna þá gildir þessi breitingartillaga hennar Jóhönnu á einni þjóðaratkvæðagreiðslu um vilja þjóðarinnar í ESB þar sem vilji þjóðarinnar hefur ekkert með vilja hennar að gera þegar uppi verður staðið og það gæti orðið ljót staða fyrir alla þá sem vilja ekki í ESB...

[Ófeigur (IP-tala skráð) 8.7.2010 kl. 22:22]

Ég ætla að vona að hann finni þann þef, já. Það yrði okkur öllum til hagsbóta að losna við þetta sem nú situr!

Ég hef hingað til getað lesið mikla skynsemi í blogginu þínu og ég bið þig um að fara ekki í skotgrafirnar núna! Sjálfur er ég sjálfstæðismaður. Ég hef þó ekki svindlað, ég hef ekki svikið undan skatti, ég hef ekki stolið neinu frá neinum. Ég vil einfaldlega vinna heiðarlega að uppbyggingu hér á ný, án fordóma til verkanna sem þarf að vinna, hvort heldur sem er virkjun, gatnagerð eða annað! Við höfum ekki efni á öðru en að framkvæma!

[Lísa Björk Ingólfsdóttir, 8.7.2010 kl. 22:39]

Ég er ekkert á leið í skotgrafirnar Ófeigur:) Sjálf vildi ég sjá hérna persónukjör og þverpólitíska samstöðu um málefni. En til að hér verði heiðarleg uppbygging þarf að vera heiðarlegt fólk sem stjórnar henni. Þennan heiðarleika hefur maður ekki orðið mjög var við, utan einstöku undantekningar á þingi.

En það er stór munur á því hvernig þingmenn komast að orði í fjölmiðlum. Það eru þeir sem vara okkur við, segja frá og eru tilbúnir að berjast fyrir hag almennings án þess að vera í raun að auglýsa eigið ágæti. Svo eru hinir sem segja "ég er andvígur.... eða ég er hlynntur". 

Þarna finnur maður ekki beint sannfæringuna sem maður finnur hjá þeim sem virkilega eru að berjast. Og - illu vanur - spyr maður sig. Er einhver heiðarleiki í þessum ummælum?

Þú áttar þig örugglega hvað ég á við.