Fjármagnseigendur og hagsmunaaðilar þeirra kunna ekki að skammast sín!

Hverjum finnst það skrýtið að samtök fjármálafyrirtækja (SFF) dæli fé í auglýsingar til styrktar þess að samningar um Icesave verði samþykktir?

Engum sem hugsar rökrétt. Það þýðir nefninlega að fjármálafyrirtækin geta haldið áfram sínu sukki á kostnað ríkissins. Þurfa ekki að taka neina ábyrgð sjálfir.

Þetta er svolítið eins og verðbólgan virkar. Fjármálafyrirtækin geta ekki tapað vegna verðbólgu. Þess vegna þurfa þau ekki að gæta hagsmuna efnahagskerfisins. Skítt þó svo það fari á hliðina. Verðtryggingin og ríkið passar uppá okkur - við getum ekki tapað.

Þetta er afleitasta og úrkynjaðasta fjármálakerfi sem sögur fara af. Ríkisvaldið dansar kringum auðvaldið - sem ekki getur tapað þar sem það er búið að koma allri ábyrgð yfir á aðra.

Auðvitað hafa þeir svo efni á því að auglýsa sinn málstað - almenningur borgar, ekki satt.

Virðingarfyllst,

með von um að þjóðin opni augun. Endilega segið já - og hjálpið eymingjas fjármálafyrirtækjunum að sukka án ábyrgðar.

Bankar styrkja Áfram

Athugasemdir

[Ásthildur Cesil Þórðardóttir, 7.4.2011 kl. 22:28]

Lísa Björk mín svarið mitt verður NEI, sammála þér algjörlega.

[Friðrik Hansen Guðmundsson, 8.4.2011 kl. 13:16]

Góður pistill að vanda. Takk fyrir hann og aðra pistla og athugasemdir sem þú hefur lagt inn í þessa baráttu sem líkur á morgun.