Loftbor? Neiiii - ÞURRKARINN!!!!!!!!

Ég og litla vorum að vasast í þvotti í dag.  Það er svo mikið að þvo af svona litlu subbuskoffíni og gelgjustelpu sem er hálfgert skoffín líka og þarf að skifta oooofft um föt.

Sú litla setur í þvottavélina - kát.  Vill helst troða endalaust, en ég stoppa hana af.  Síðan set ég úr fyrri vélinni í þurrkarann og set hann af stað.

Við litla trítlum inní svefnherbergi til að lesa bók - Herra Kitla - og kúra smá.

Allt í einu þessi svakalegi hávaði.  Hva - er fólk að gera við hérna fyrir utan núna?  Á laugardegi?  Með loftbor og læti? 

Hávaðinn magnaðist og ég fór fram á gang til að athuga málið.  Mér til skelfingar átta ég mig á því að hávaðinn barst úr mínu eigin þvottahúsi.  Og þetta var enginn loftbor, heldur þurrkarinn að gefa upp öndina - með látum.  Var búinn að vera með vesen, slá út rafmagninu og svona - en þetta var eiginlega SCARY..........

Slökkti á tækinu í hvelli. 

Nú hanga flíkur út um alla íbúð.  Hér eru bara snúrur úti í garði.  Ég er lítið fyrir að frysta þvottinn minn.  Þvottahúsið tekur ekki við snúrum - of lítið.  Þurrkarinn var uppi á þvottavélinni. Auk þess yrðu að vera ansi margar snúrur - með mína fjölskyldu - sigh.

Damn Damn - og það er auðvitað rétti tíminn til að kaupa þurrkara ekki satt.  Allir að drukkna í peningum þar með talið ég - NOT.

Tja - þetta hefði getað verið verra.  Það hefði getað verið þvottavélin.  Eða eldavélin.

Nú - eða tölvan

Athugasemdir

[Jóna Kolbrún Garðarsdóttir, 16.11.2008 kl. 02:15]

  Mín tölva dó í síðustu viku og sjónvarpið sem ég er með í láni, er í hættu eigandinn vill fá það aftur núna!!!  Þurrkarinn minn er sem betur fer ennþá góður og þvottavélin ekki svo gömul.  Mig vantar nýja tölvu og nýtt sjónvarp strax!!!

[Steingrímur Helgason, 17.11.2008 kl. 00:57]

Mikið óskaplega yrði ég nú hamíngjusamur ef að eitthvað af þeim tækjum sem að ligga urrandi í kínverzka þvottahúzi konudýrs míns gæfu upp önd, gæz, eða rjúpu.

Það eru snúrur úti í garði, kona !

[Lísa Björk Ingólfsdóttir, 18.11.2008 kl. 18:30]

Efast um að konudýrið yrði jafnsælt