Þetta er aldeilis gáfulegt. Getum hækkað þessa tölu með frekari samdrætti!

Það er greinilega ábatasamt að setja fyrirtæki og fjölskyldur út á gaddinn með öflugum samdrætti í opinbera geiranum og síðan skattahækkunum. Það væri öllu vitlegra að efla atvinnulíf í landinu með því að fjölga störfum og setja peninga inní efnahagskerfið og fá þannig auknar tekjur í formi skatta og neysluskatta frekar en að taka hvert lánið á fætur öðru, greiða milljarða í atvinnuleysisbætur, málaferli og kostnað vegna aðfara á heimilin. Lækkun skatta er t.d. mun öflugri leið þegar svona árar. Það hefur margoft sýnt sig að þær aðgerðir sem AGS boðar til að viðhalda og efla efnahagsöryggi er ekki að virka. En samt halda þeir úti sömu aðgerðum og senda fleiri ríki á vonarvöl með þeim.

Ríkisstjórnin er eins og blindur maður með blindrahundinn AGS. Verst að blindrahundurinn sá var þjálfaður til að elta uppi mörgæsir á Suðurskautslandinu.........

265 þúsund á hvern Íslending

Athugasemdir

[Björn Ólafsson (IP-tala skráð) 20.7.2010 kl. 14:48]

Þakkaðu heldur ísl. krónunni sem meirihluti landsmanna vill halda í dauðahaldi. Öll þessi helv.. erlenda lántaka bara til að verja krónuna! Löngu tímabært að henda ónýtum gjaldmiðli út fyrir gjaldmiðil sem hægt er að nota í viðskiptum utan Klakans.

[Lísa Björk Ingólfsdóttir, 20.7.2010 kl. 22:46]

Ég þakka krónunni fyrir það að lítið eyríki eins og við, með sjálfstæðan gjaldmiðil getum, í venjulegu árferði, hagnast á erlendri lántöku. Það á vissulega ekki við í dag - en oft hefur það einmitt verið svo. Það vill svo til að þegar gengi krónu er lágt miðað við erlenda mynt þá er það gott fyrir útflutning. Þegar það er öfugt er það gott fyrir innflutning. Hinsvegar ef við hefðum Evru sem væri mun verðlausari en Evra í öðrum ríkjum væri engin leið út. Evra er ekki bara Evra. Virði evru er ekki það sama allstaðar. Okkar litla ríki fengi fljótlega að kynnast því.