Ísland - stórasta land í heimi!

Það er fagnaðarefni að sjá að hér býr þjóð sem ann landi sínu og hefur ekki áhuga á að láta erlendar stórþjóðir kúga sig til "hlýðni". Né heldur stjórnvöld eða samtök innan atvinnulífsins sem segja beint út "engir samningar - engar launahækkanir".

Þetta er hneysa. Okkur er hótað fram og til baka. Við - almenningur - erum eins og litlir óþekkir krakkar í augum elítunnar. Skipað að samþykkja þetta, borga hitt og þegja svo.

Í hvernig þjóðfélagi bý ég (aulahrollur).

Mörg rök hef ég lagt fram fyrir minni skoðun og eflaust misjafnt hvernig fólk tekur þeim. Hér eru hinsvegar ein enn.

Við bárum alls ekki ein ábyrgð á þessum Icesave skuldum sem okkur ber að ríkisvæða - þessar einkastofnanir voru með tryggingu - eins og sjá má ef linkurinn hér að neðan er skoðaður.

Hins vegar hef ég aldrei orðið vör við neina sérstaka umræðu vegna þessa.

http://www.fscs.org.uk/what-we-cover/products/investments/eea-top-ups/

Auðvitað metur síðan hver fyrir sig.

En persónulega finnst mér þetta gráupplagt dómsmál. Efast hinsvegar um að Bretar hafi nokkurn hug á því.

Mögulega verður málinu á endanum sópað undir teppi - hver veit. Kemur í ljós ef við látum ekki traðka á okkur.

57% ætla að segja nei

Athugasemdir

[drilli, 6.4.2011 kl. 20:32]

Það er nú svo lítil á mér láfan að hún nær ekki utan um svona götótta- en alls ekki endilega ranga- speki, en það sannast sem oftar að illt er að fást við menn(og konur)sem telja sig vita það sem þau vita ekki. (og til að enginn móðgist -ja eða allir- þá er mér bæði ljúft og skylt að benda á að þetta gildir víst bæði um gallharðasta "nei" OG "já" fólk) :-/

[Lísa Björk Ingólfsdóttir, 6.4.2011 kl. 21:27]

Tja - eðlilega er þetta allt götótt speki. Þar sem enginn virðist vilja segja almenningi sannleikann þá leitar maður heimilda. Fullt af fólki hefur aflað sér heimilda og segir frá því. Ef hægt væri að treysta stjórnvöldum til að segja rétt og satt frá þá væri lífið vissulega auðveldara.