Gjörið svo vel ríkisstjórn - hvað ætlið þið að gera?

Þá er það opinbert og alls ekki óraunhæft.

Samkvæmt þessu þurfa skattleysismörk að liggja í 292 þús sem ættu að vera lágmarkslaun. Barnabætur með hverju barni þurfa að nema um 70 þús á mánuði ef við tökum tillit til meðlags uppá 21 þús. Mæðralaun (sem tekinn er af fullur skattur í dag eins fáránlegt og það nú er) væru þá til að dekka restina.

Þetta þýðir ca 200% hækkun á atvinnuleysisbótum og ca 55% hækkun á barnabótum. Svo er það tekuskatturinn og persónuafslátturinn. Það má ekki skerða neysluviðmiðið með því að hirða af því skatta.

Hvað eru atvinnuleysisbætur í dag? Held að móðir með 2 börn fái þetta kannski 140þús og auðvitað er hirtur skattur af því.

Hvað ætlar nú okkar ágæta ríkisstjórn að gera? Skrifa óútfylltan tékka til Breta og Hollendinga? Eða kannski stuðla að mannsæmandi lífi hér á Íslandi?

Þetta fer að verða verulega spennandi - hvernig snúa flokkarnir sér útúr þessu? Hvaða kjaftavaðal skyldum við fá í hausinn?

Viðmið einstaklings 292 þús

Bótaþegar greiða skatta! Hvaða réttlæti er það?

Afskaplega verð ég nú að vera ósammála Steingrími - ekki í fyrsta sinn. Ríkisstjórnin hefur ekki lagt fram nein lágmarks neysluviðmið, en flestir (vonandi allir) vita að lægstu laun og bætur eru allt of lág til þess að hægt sé að lifa af þeim. Það sannast í sífelldri aukningu þeirra sem sækja sér aðstoð til Mæðraverndar, Fjölskylduhjálpar og Hjálparstofnunnar Kirkjunnar.

Verð neysluvöru hækkar hinsvegar hjá þessum láglaunahópi. Orkuverð, bensín ofl. Slíkt gerir kjör þessa fólks bágari en ella.

Ef skattdreifing ætti að vera vel heppnuð væri t.d. ágætt að horfa á hvað fólk þarf nauðsynlega að hafa til að geta framfleytt sér og aðlaga persónuafslátt af því viðmiði. Setja ekki neysluskatt á nauðsynjavöru þar sem ekki er hægt að breyta yfir í staðgengilsvöru. Allir þurfa vatn og orku og margir komast illa af án ökutækis. Nú svo hækkaði strætisvagnagjald heil ósköp.

Ég ætla ekki að vera orðlöng, en mig langar að benda Steingrími á eina staðreynd. Ef virkilega væri ráðist í atvinnusköpun yrðu skatttekjur til ríkissins mun hærri. Það yrði fljótt að skila sér í ríkiskassann. Þess utan myndi neysla aukast.

Það tekur kannski lengri tíma að prjóna peysu heldur en að rekja hana upp - en notagildi peysunnar er mun meira en garnhrúgu.

Skattkerfisbreytingar tekist vel

Moody's hefur áhyggjur af verðbólgu, atvinnuleysi og fáttækt í Egyptalandi.

Það er ekki að undra. Ástandið er skelfilegt. Við vitum hvað gerist þegar verðbólgudraugurinn fer á stúfana. Vöruverð hækkar meðan launin standa í stað þar sem þau eru það sem hagfræðin kallar e. sticky (hækka mun seinna en t.d. vörurnar) áður en jafnvægi næst.

Það sem ég velti fyrir mér, án þess að hafa kannað hvernig t.d. húsnæðislánum er háttað í Egyptalandi - hvernig stæðu málin hjá þeim ef ofan á allt byggju þeir við verðtryggingu líka?

Það er svolítið "sniðugt" að fæstir útí hinum stóra heimi vita hvað verðtrygging í raun er. Það getur meira að segja reynst erfitt fyrir viðskiptafræðinga að reyna að útskýra þetta fyrirbæri fyrir erlendum collegum sínum.

Við hérna þekkjum fyrirbærið vel. Núna erum við líka farin að kynnast á all harkalegan hátt hvað atvinnuleysi og fátækt er. Í bónus við annað gleypir verðbólgan þær stundum litlu eignir sem millistéttin hefur náð að eignast.

Auðvitað er ennþá urmull af fólki hérna sem lokar augum og eyrum - enda ekki "ennþá" kominn á þennan stað í lífinu. Við það fólk vil ég gjarnan segja - fylgist með auknum biðröðum framan við hjálparstofnanir þegar úthlutun á sér stað. Sjálf nota ég hvert einasta tækifæri sem vinnst til að vera þar til aðstoðar og er fullmeðvituð um ástandið.

En þið? Hafið þið kynnt ykkur málið?

Moody´s lækkar lánshæfi Egypta

Getur EINHVER úr ríkisstjórn útskýrt ávinningin af þessu?

Með síaukinni skattpíningu atvinnulífs og einstaklinga dregst saman einkaneysla og möguleikar atvinnurekenda að ráða fólk til vinnu. Það er ekki bara sparnaður sem eykur hagsæld, enda er lítið um sparnað þegar raunvextir á innlánsreikningum eru neikvæðir.

Neyslan hefur mikil áhrif á atvinnulífið og umhverfið allt. Neyslan skapar atvinnu á svo margan hátt. En með aðferðum ríkisstjórnarinnar er þessi nauðsynlega innspýting í atvinnulífið brotin á bak aftur.

Á tímum niðursveiflu er það skylda ríkissins að skapa atvinnu og þar með að auka hagsæld og ýta undir hagvöxt. Aðgerðir ríkisins eru þver öfugar.

Og hver er ávinningurinn? Svimandi háar upphæðir sem leggja þarf út vegna atvinnuleysis. Sparnaður vegna niðurskurðar núllast út þegar horft er á þessar staðreyndir. Skatttekjur minnka í raun þegar einstaklingar geta ekki greitt skatta, geta ekki neytt þeirrar vöru sem áður sköpuðu tekjur (virðisauka).

Það sem verst er - hagvöxtur minnkar. Við lendum í vítahring þar sem ríkisstjórnin kemur í veg fyrir að nauðsynlegu fjárflæði sé veitt í hagkerfið sjálft til að halda því á lífi.

Hversu mörg störf væri hægt að skapa fyrir þessar upphæðir? Störf sem mundu leiða af sér auknar tekjur og skatttekjur til ríkissjóðs?

Það væri vert að fá rökstuðning fyrir því hver er ávinningurinn með slíkum fjárlögum.

70,3 milljarðar í bætur

Hversu lengi getur vont versnað?

Það er ástæða fyrir því að maður hefur ekki bloggað lengi. Ástæðan? Það eru engin orð til um það sem á sér stað í kringum okkur.

Árið 2009 var slæmt, 2010 verra og það sem af er komið þessu ári (bíddu, það er ennþá janúar) tekur steininn úr.

Þjóðin má gjöra svo vel að láta allt yfir sig ganga. Skattahækkanir á tekjur, neyslu og nánast hvað sem er. Skattar hækkaðir á atvinnurekendur s.s. tryggingargjald. Vöruverð hækkar dag frá degi. Leikskólagjöld fljúga upp. Atvinnuleysi stigmagnast.

Heilbrigðisstofnanir eru ómannaðar, fjöldi þeirra sem sækja sér aðstoð eykst dag frá degi.

Fólk sveltur, er örmagna, fær ekki aðstoð og enga vinnu.

Neysluviðmið eru "falin" eða fölsuð. Allir vita að ekki er lifandi á lágmarksframfærslu.

Þeir sem hafa vinnu (svona almennt) virðast vera að missa almenn mannréttindi. Ef ekki er skrifað undir breytta starfssamninga án þess að fá það álit sem það hefur rétt á - fær að uppsagnarbréfið.

Ætli að ríkisstjórnin hafi komið upp dularfullri tölvu til að spila póker á netinu til þess að klóra í bakkann?

Nei - það er ekki von að maður hætti að tjá sig um málefni þjóðarinnar - það eru engin orð til.

Er þetta hið norræna velferðarþjóðfélag!

Guð blessi Ísland.

Þernum á Herjólfi sagt upp

Gleðileg jól og farsælt komandi ár

Vil óska öllum til sjávar og sveita:

GLEÐILEGRA JÓLA OG FARSÆLDAR Á KOMANDI ÁRI

 Lísa B.

Jólastemning í miðbænum

Sannur baráttumaður og hetja.

Ég vil minnast sanns baráttumanns og hetju sem lét lífið í dag eftir að ekið var á hann á Snorrabraut. Viðkomandi var í kjarnahóp Hreyfingarinnar, Heimavarnarliðinu og barðist ötuglega fyrir réttlæti og sanngirni landsmanna sinna. Maður sem var dáður af félögum sínum enda með létta lund og sannan baráttuanda. Maður sem aldrei lét sig vanta til að ná fram réttlæti okkar landsmanna, meðan aðrir sátu heima og bölvuðu ríkisstjórninni án þess að taka nokkurn þátt í því öfluga starfi sjálfboðaliða sem hafa lagt sitt af mörkum til að reyna að endurreisa siðferði á Íslandi og réttláta hugsun

Það er stórt skarð í okkar röðum eftir fráfall þessa ágæta og yndislega manns.

Ég og félagar mínir erum full samúðar með konu hans og börnum. Konu sem var hans líf og yndi og tók fullan þátt í baráttu hans til réttlætis. Enda baráttukona sjálf.

Það er með ólýsanlegri sorg sem við kveðjum okkar kæra vin og félaga og biðjum alla verndarengla að vaka yfir hans nánustu.

Við munum aldrei gleyma þínu góða framlagi í þágu réttlætis á Íslandi.

Megi vera til fleiri hetjur eins og þú.

Með einlægri virðingu.

Lísa

 

Ekið á gangandi vegfaranda

Hvað vantar í þessa frétt? ATHYGLI! Grípandi fyrirsögn kannski?

Mannúðlegt að lauma þessari frétt inn. Engin blogg? Hefur bloggheimur ekki áhuga á þeim sem eru í mestu neyðinni? Skemmtilegra að rífast um stjórnmálin, afskriftir og kæru/ekki kæru á hendur bankanna?

Ég var þarna í dag sem sjálfboðaliði. Tíma mínum hefur seint verið betur varið og ég mun standa vaktina aftur ef á þarf að halda. Ég sé ekki eftir tíma mínum á harðaspani að undirbúa úthlutun og aðstoða almenning. Ég sé mun meira eftir þeim tíma sem fólk þarf að bíða til að fá örugga úthlutun.

Sumir bíða í marga klukkutíma fyrir opnun, jafnvel með lítil börn. Bara til að vera öruggir um að fá í þessar kannski tvær máltíðar. Hjarta manns brestur þegar fyrst koma inn konur með barnavagna, börn í fanginu. Eftir margra klukkutíma bið.

Það er 1. desember. Útborgunardagur. Og samt bíða samlandar okkar í margar klukkustundir eftir aðstoð.

Er þetta hægt?

Nei.

 

Margir miðað við fyrsta dag mánaðar

Hættu.

Allt sem Steingrímur hefur sagt er byggt á efnahagsáætlun AGS sem gerir ekkert fyrir þjóðina heldur felst í að ná sem mestu út úr þjóðfélaginu fyrir lánadrottna þess. Kannski er þetta "smart pólitísk stjórnsýsla" en nútíma stjórnsýsla er bara ekkert smart.

Hættu þessu Steingrímur - fólk með betri menntun í fjármálum veit betur en það sem þú ert að segja.

Fjáraukalög rædd í næstu viku

Þetta kemur nú ekki á óvart.

Hér er enn ein staðfesting þess að stefna ríkisstjórnar í endurreisn efnahagslífsins er alveg á skjön við þann raunveruleika sem þarf til að koma hjólum þess í gang. Stór hluti almennings gerir sér grein fyrir því og Japanir eru greinilega fullkomlega meðvitaðir um þetta líka. Þessi lækkun á lánshæfismati kemur því lítið á óvart. Hvernig getur þjóð funkerað þar sem peningarnir eru lokaðir og læstir inni í bankastofnunum og lítið sem ekkert er gert til að afskrifa eðlilega eignir fyrirtækja og almennings? Það telst eðlilegt að afskrifa skuldir sem munu að öllum líkindum ekki innheimtast og sýna þar með fram á raunstöðu.

Mikið væri óskandi að eitthvað vitrænt færi nú að gerast í þessum málum. Hefur ríkisstjórnin ekki "spjallað" nóg? Er ekki kominn tími aðgerða?

Hmmm.

Lánshæfiseinkunn Íslands lækkuð