Er stjórnin endanlega farin yfirum?

Það var vitað að á sama tíma og Jóhanna reynir að koma ábyrgð yfir á bankana eru 4/5 eða 80% uppboða í boði ríkisins sjálfs. Hvað eiga bankarnir að gera í því Jóhanna? Setja á þig lög?

Nei - þetta er gjörsamlega að taka steininn úr vitleysunni. Funda með bönkunum og skammast en þegja þunnu hljóði yfir eigin sekt. Ríkið heimtar alltaf sitt.

Það getur verið að jafn þaulsetnir pólitíkusar eins og Jóhanna og Steingrímur átti sig ekki á því að þjóðin er orðin mjög upplýst um vandann og fyglist grant með. Það þýðir ekki lengur að stunda þessa gömlu lyga og kjaftapólitík sem snýst um að hvítþvo sig ábyrgð en gera á sama tíma ekkert í vandanum. Við hlustuðum kannski einu sinni og trúðum í einfeldni - en sá tími er liðinn.

Og ykkar tími er liðinn líka. Þess fyrr sem þið skiljið það þess betra.

Verða 73 þúsund heimili eignalaus?

Atvinnu - Atvinnu - Atvinnu og aftur Atvinnu!

Já - þið hafið "fretað" uppboðum en á sama tíma ráðist hart að atvinnu einstaklinga með hækkun skatta (t.d. tryggingargjalds) og gífurlegum niðurskurði. Það er ekki hægt fyrir einstaklinga að koma sínum málum í lag meðan atvinnuna vantar!

Er þetta mjög torskilið?

Uppboðsmál í forgang

Og enn misskilur Jóhanna.

Það er með ólíkindum hvað erfitt getur verið að ná til sumra.

Mótmælin í gær voru ekki einungis vegna skuldsettra heimila og fyrirtækja. Heldur allt það sem misfarist hefur að gera undanfarin tvö ár og hvernig hefur verið tekið á málum almennt.

Fólk getur orðið ekki framfleytt sér og sínum. Ríkið sker niður á alla kannta og fólk missir atvinnu sína. Skattar eru hækkaðir sem fara beint í neysluna og tryggingargjald var hækkað á fyrirtækin sem gerir atvinnuumhverfi en þröngara. Þetta er bein tilstuðlan að frekara atvinnuleysi og skorti.

Í 15,5% kaupmáttarrýrnum hafa bætur til þeirra einstaklinga sem ekki fá vinnu þar sem hana er ekki að hafa, ekki hækkað. Þeir geta ekki drýgt tekjur sínar smávægilega án þess að það sé dregið af allt of lágum framfærslubótum. Þetta fólk má ekki einu sinni drýgja framfærslu sína með eigin séreignarlífeyrissparnaði því það er dregið af bótunum líka.

Margir þessara einstaklinga eru nú þegar hættir að borga af húsnæði þar sem mánaðartekjur nægja ekki einu sinni til framfærslu fjölskyldu.

Auðvitað er skuldavandinn stór - en vandinn er bara orðinn svo miklu stærri. Og þetta virðist ríkisstjórnin ekki skilja, enda hefur fólk þar úr nógu að moða.

Þegar kreppir að í þjóðfélagi á ríkið einmitt að skapa tekjur og þenja út þjónustu til að skapa störf. Ekki draga saman í sífellu. Það þarf að auka verulega innspýtingu fjármagns í atvinnulífið - ekki útbólgnar of stórar fjármagnselítur og fyrirtæki.

Ef vandi þjóðarinnar er ekki orðinn ljós þarna fyrir ríkisstjórn og hún áttar sig ekki á því að aðgerðarleysi þeirra er orðið til þess að fólk er hætt að geta framfleytt fjölskyldum sínum, þá gagnast samstaða við stjórnarandstöðu lítið.

Það væri hinsvegar hægt að byrja á einum punkti. Setja Steingrím í frí og láta Lilju Móses fá hans stöðu. Hún hefur mun meiri skilning á vanda þjóðarinnar en ríkisstjórnin öll til samans.

Setjið svo Þór Saari í stól Jóhönnu.

Fólk er að biðja ykkur - sérstaklega ykkur tvö, Jóhanna og Steingrímur, að víkja úr sætum ykkar. Það er ekkert flóknara.

Mikilvægt að ná samstöðu

Erfiðast að eiga við ríkisstofnanir.

Í pistli mínum frá því í gærkvöldi hnaut ég einmitt um þessi ummæli Jóhönnu. Nú ætti að færa ábyrgðina frá ríkisstjórn - eina ferðina enn - og yfir á bankana.

Ég get ekki annað en að koma með eigin reynslu af þessum málum síðan eftir hrun. Þeir allra allra meðfærilegustu og hjálplegustu hafa einmitt verið bankarnir í mínu tilfelli. En þegar kemur að stofnunum ríkisins sjálfs - til að mynda LÍN og svo auðvitað skattmann - þá kemur maður að læstum dyrum.

Ég hvet ríkið til að taka til í eigin bakgarði og koma til móts við almenning.

Þá vil ég koma með oggulitla tillögu að fyrstu vænlegu skrefum í þá átt:

1. Tryggt húsnæði og framfærslu fólks.

2. Atvinnuuppbyggingu sem skilar sér í auknum störfum og minnkun atvinnuleysis.

3. Laga skattakerfið að tveim ofangreindum þáttum, ekki á þann hátt að erfiðleikar aukist.

4. Draga úr niðurskurði ríkisins og efla innspýtingu til að skapa atvinnu og tekjur.

Þetta er það sem mér finnst allra brýnast. Fólk getur svo verið sammála - eða ekki.

 

Ómakleg gagnrýni á bankana

Fólk vill úrræði - ekki hættuástand!

Það var margt um manninn á Austurvelli í gær og samhugur þeirra sem þar voru var með eindæmum. Það er greinilegt að þjóðin krefst skýlausra svara um úrræði og endurreisn landsins okkar, afnám valdaelítunnar og gegnsæ vinnubrögð.

En það er sárt ef óorð kemst á þennan samhug þjóðarinnar með því að stofna öðrum í hættu. Það ætti engum að láta sér detta til hugar að henda glerílátum, grjóti og öðru sem getur meitt eða sært aðra einstaklinga. Hvort sem það eru alþingismenn, lögregla eða almenningur.

Mótmælin eru ekki ætluð til að meiða, skemma og eyðileggja. Þau eru til þess að koma bón þjóðarinnar á framfæri á skýran hátt.

Kannski eru mín orð ekki mjög kröftug, en ég vil samt biðja fólk um að eyðileggja ekki á þennan hátt þann hljómgrunn sem þjóðin vill ná. Það er engum til sóma.

Búið að slökkva elda

Fyrirgefðu - er einhver heima??????

Raunveruleikafyrring forsetisráðherra skilaði sér vel til almennings í kvöld. Ríkisstjórnin getur sett neyðarlög um nauðungarsölur - ekki bankarnir. Ríkið á sjálft stóran hluta þeirra krafna sem standa á bak við væntar nauðungarsölur - ekki bara bankarnir.

Og fyrigefðu, hverjir voru það sem lofuðu með undirskrift sinni til AGS að ekki yrði gert meira í skuldavanda heimilanna eftir október 2010? Voru það bankarnir? Stóð ekki Jóhanna og Steingrímur undir plagginu?

Skera niður, hækka skatta, útrýma atvinnu og atvinnumöguleikum. Hvernig á að finna lausn með greiðslujöfnun fyrir fólk sem var í góðri vinnu fyrir hrun en lifir á lúsabótum í 15.5% kaupmáttarskerðingu ásamt því að hafa stökkbreytt lán?

Fyrirgef - er einhver heima? Hélt ríkisstjórnin að fólk væri að fagna þeim á Austurvelli?

Skilaboðin voru skýr!

Hingað og ekki lengra. Komið gott.

Bankarnir hafa dregið lappirnar

Þetta var vitað - kom fram í plagginu sem Jóhanna og Steingrímur undirrituðu

Stærstan hluta sumars var hópur mótmælenda fyrir framan höfðustöðvar AGS hér til að mótmæla veru þeirra. Þátttakan var ótrúlega dræm miðað við að þessi sjóður vinnur skipulagsbundið að algeru hruni þjóðarbúsins.

Nýjar skattahækkanir eru í boði AGS. Það var búið að lofa þeim að klippa á alla aðstoð við skuldara í október sem og nú staðfestist.

Samt sat landinn heima og boraði í nefið meðan örfáir reyndu að vekja á þessu máls.

Fram til þessa hefur AGS farið mjög illa með 31 þjóð. Við erum næst. AGS er nefninlega á vegum auðvaldsins og fjámálageirans. Þeir vilja sína vexti og þeir vilja ráða hvar þrengt er að landanum.

Ríkisstjórnin bugtar sig og beygir - almenningur þegir.

Hvernig má þetta vera? Það eru til þjóðir sem hafa einfaldlega vísað þeim á dyr. Erum við of miklir ansans aumingjar til að gera slíkt hið sama. Er meiri hluta landsmanna fjandans sama um hvað verður um okkur og heimilin okkar? Vitið þið hvernig það er að verða gjaldþrota í landi þar sem lögin eru þannig að elst er við þann sem gjaldþrota er fram yfir gröf og dauða?

Verði ykkur bara að góðu, ef þetta er það sem þið viljið.

Ef ekki - drattist á lappir og gerið eitthvað! STRAX!

Engin fleiri úrræði

Ávísun á hægfara "Harakiri" stórs hluta þjóðarinnar

Þetta er nú nákvæmlega það sem buddan mín hefur verið að segja mér undanfarin tvö ár þó svo Steingrímur Joð vilji telja fólki trú um annað.

Og á meðan kaupmáttur hefur fallið um 15,5% hafa þess utan tugþúsundir manna misst atvinnuna og það er ekkert lát þar á.

Hafa bætur hækkað að sama skapi? Nei - auðvitað ekki. En nú skal skera á barnabætur og laun í fæðingarorlofi. Það á einnig að drepa atvinnulífið með hærri tryggingargjöldum og sköttum. Þess utan sem allar skattahækkanir undanfarins árs fer beint inn í neysluna.

En þetta er ekki nóg - það á að halda áfram á þessari braut. Fremja hægfara Harakiri á þjóðinni. Og auðvitað hirða heimilin og "setja þau í ríkiskassann".

Nú fer á stað nauðungarsöluhrina og 4/5 af þessum nauðungarsölum eru í boði sjálfs ríkisins meðan 1/5 er í boði bankanna.

Auðmennirnir og hálaunaðir framkvæmdarstjórar eru með lögheimili erlendis, greiða ekki skatta í ríkiskassann og glotta yfir eymingjunum sem kúldrast hér og láta þetta yfir sig dynja.

Halló - STOP.

Þetta gengur ekki upp. Formúlan á bak við þetta er alröng. Hún hentar AGS og ESB sem er skítsama um nokkra aumingja hér á Íslandi (jafnvel tugþúsundir) og millistéttin má þurrkast út. Og ríkisstjórnin hlustar á fyrirmælin handan hafsins - beygjir sig og bugtar og segir "yes sir".

Engin heildstæð hugsun í kollinum virðist vera. Enginn vilji til að láta þjóðina ganga fyrir hinum háu herrum handan hafsins. Kjarkurinn í kjallaranum - eða neðar.

En við getum risið upp á afturlappirnar og mótmælt því að líða hægfara dauða. Auðvitað munu verkalýðssamtökin og aðrar klíkur auðvaldsins ekki hjálpa til - þeim líður ágætlega. En við hin VERÐUM að sýna hvað í okkur býr.

Við getum staðið saman og knúið fram breytingar.

Ertu með?

Kaupmáttur 15,5% minni

Hvurn andskotann eruð þið að gera og fyrir hvern?

Nú er ég ekki þekkt fyrir að vera orðljót - en - það eru takmörk.

Hvurn andskotann eruð þið þarna í ríkisstjórn - aularnir ykkar - að reyna að gera og fyrir hvern? Enginn menntaður maður á þessu sviði mundi skera svona niður á þessum tímum. Þið eruð búin að lofa AGS einhverju sem ekki er hægt að standa við án þess að drepa þjóðina. Gerið þið ykkur grein fyrir því?

Hendið þessum helv. afætum burt og leyfið okkur frekar að búa í húsunum okkar og veiða fisk á bryggjunni. Það mundi henta betur. Það eru rétt 100 ár síðan við skriðum úr moldarkofunum og við erum ekki á leiðinni þangað aftur. Við kröfðumst sjálfstæðis og neituðum að vera hjáleigufólk og eymingjar flakkandi á milli hreppa í von um vist. Þið eruð að senda Íslendinga í þetta helvíti aftur.

Við erum auðug þjóð, með góða legu alþjóðlega og eigum fullt af tækifærum. Það eru bara fjandans fífl sem selja okkur í þrælavinnu til ókominna ára til að bjarga eigin glöpum og auðvaldinu.

Nú ætti Steingrímur að fara að sinna sínu jarðfræðisviði og skoða öskulög og flugfreyjan Jóhanna að þjóna almenningi eins og hennar menntun krefur. Drullast burt úr málum sem þið hafið ekki hundsvit á. Og takið með ykkur alla meðvirku áhangendurnar sem trúa ykkur í blindni af því að þeir hafa ekki menntun og þor til að gera annað.

Við viljum hugrakkt fólk á þing - fólk sem getur, veit og þarf ekki að hlusta á aðra til að taka ákvörðun.

Almenningur treystir ykkur ekki - skrýtið - enda ættuð þið öll í ríkisstjórn að prufa að vera á bótum í kannski eitt ár.

Þá væri ekki uppi á ykkur tippið.

Hin sönnu hrunfjárlög

Markmið ríkisstjórnar - allir menntaðir og vinnufærir einstaklingar farnir 2013

Norræn velferðarstjórn.

Hefur einhver heyrt eitthvað sniðugra? Jú - hún er til, en ekki hér. Og markmið ríkisstjórnar virðist vera að senda alla menntaða og/eða vinnufæra einstaklinga úr landi. Þeir sem munu halda uppi þjóðarbákninu eftir 3 ár, með þessu framhaldi, eru ellilífeyrisþegar.

Það er löngu ljóst (sérstaklega eftir nýja fjárlagafrumvarpið) að það á ekki að vera hér tækifæri fyrir fólk að leita sér atvinnu, auka þjóðartekjur eða hagvöxt. Það skal allt drepið niður með skattpíningu og samdrætti hins opinbera.

Guð gleypi okkur. Hefur enginn í þessari ríkisstjórn hlotið neina menntun í efnahagsstjórnun? Veit þetta fólk ekki að í svona neyð þarf að lækka skatta og auka atvinnutækifæri? Hið opinbera á einmitt að sjá um innspýtingu fjármagns til neyslunnar á svona tímum.

Í stað þess að líða hægfara "harakiri" má þá ekki bara bjóða AGS og þeim kónum landið á uppboði strax? Það er ekki hægt að fá inn fyrir vöxtum þessa lánafyrirtækis með því að klípa fé af ellilífeyrisþegum.

En þetta sér ríkisstjórnin ekki. Smá kúrs í fjármálum 101 - of skuldug fyrirtæki eru áhættusöm og almennir fjárfestar ganga framhjá slíku, nema með þvílíkum afslætti. Ísland er eins og stórt fyrirtæki sem reynir að fleyta sér með því að taka lán til að greiða arð til örfárra hluthafa fremur en að breyta stjórnháttum og auka arðsemi.  Þetta fyrirtæki "Ísland" væri ekki hátt skrifað á almennum hlutabréfamarkaði erlendis.

Hinsvegar, ef til kæmi öflugur stjórnandi sem leitaðist við að breyta stjórnun þessa fyrirtækis með arðsemi í forrúmi (af gjöfulum auðlindum) í stað þess að skuldsetja það um of, mundi fjármálamarkaðurinn sennilega taka við sér mjög fljótt.

En - takið eftir - í stórum fyrirtækjum er það ekki pólitík og einkahagsmunavæðing sem gengur upp - slíkt er dæmi um skjótan dauða (a la Enron). Hjá stórum fyrirtækjum er góð stjórnun, einbeyting á arðsemi, góð fjárfesting ofl. sem gerir það að góðu fyrirtæki. Það er reynt að koma í veg fyrir - með öllum ráðum - að fólk geti makað sinn krók á kostnað hluthafa.

Án breytinga - strax - er "fyrirtækið" Ísland búið að vera.

Og þetta er bara fjármál 101 - síðan er hagfræði 101 eftir. Og þar er málið jafnvel enn verra!

Fæðingarorlof skert á næsta ári