Þetta eru svosem litlar fréttir.

Það var löngu komið í ljós að veð fyrir lánum vegna hlutabréfakaupa voru í bréfunum sjálfum og þetta var lítið annað en leikur að tölum á efnahagsreikningi sem "jók" verðmæti bréfanna að virtist þó raunverðmæti þeirra væri allt annað.

Ég hef löngum sagt það að hlutabréfamarkaður getur ekki þrifist í svo litlu hagkerfi sem okkar og að stjórnsýsla stærri fyrirtækja og fjárfestingafyrirtækja var og er með öllu einungis til þess að styðja við helstu eigiendur en ekki hluthafa. Slíkt gerist sjaldan á hlutabréfamörkuðum þar sem virkt eftirlit er með stjórnun þessara fyrirtækja og hlutabréfamarkaðirnir eru virkir og opnir. 

Okkar mestu mistök væru að reyna að endurskapa séríslenskan hlutabréfamarkað heldur ber okkur skylda að setja fyrirtæki á stærri markaði þar sem allt eftirlit er skilvirkt.

42% af hlutabréfum í Kaupþingi með veð í bréfunum sjálfum

Merkilegt þegar ráðamenn hlaupa af stað með loforð sem ekki standast lög!

Vorum við ábyrg? Ráðamenn hlaupa til og semja við Breta og Hollendinga - telja sig ábyrga meðan aðrir telja okkur ekki ábyrg. Bara til að tryggja stjórnmálalega stöðu sína virðist vera. Þessi ábyrgð hefur lengi verið umdeild þar sem aldrei hefur komið til svo almennt bankahrun annarsstaðar þar sem bókstaflega allt bankakerfið fór á hliðina. Því hafa margir talið að tvíræðar reglur Evrópusambandsins eigi hér ekki við. Allavega hefði verið ráð að fá sérfræðiaðstoð áður en farið var að lofa uppí ermar okkar landsmanna.

Annað sem ég velti fyrir mér. Nú erum við ekki í ESB - ekki ennþá. Því eru þá reglugerðir þeirra sjálfkrafa reglugerðir okkar?

Margar spurningar verða á lofti næstu daga. Mín stærsta spurning er þó, nú getur fólk velt sér uppúr fortíðinna af efldum krafti, en hvað með framtíðina?

Ráðherra óviss um lögin

Og hvað með þá sem eru atvinnulausir utan sumartíma?

Þetta er nú hálf svona klént. Að tryggja námsmönnum sumarstörf? Hvað með þá sem hafa verið atvinnulausir jafnvel frá upphafi bankahrunsins og eru enn? Og hvað með þá sem hafa ekki næga vinnu til að greiða lánin af húsunum sínum? Eiga þeir að halda áfram að bíta gras?

Úrræði fyrir heimilin sem þessi ágæti ráðherra hefur kynnt eru mörg hver úrræði sem hafa verið til staðar í lengri tíma en bara fæstir vitað af þeim. Vegna þess að sem betur fer fram til þess tíma sem auðmenn Íslands settu okkur á hausinn, höfðu flestir atvinnu sem hana vildu hafa.

Hm - mér finnst það mætti nú reyna að gera betur en þetta........

 

Námsmenn fái sumarstörf í ár

Prinsippmaður

Vilhjálmur er víst ekki aðdáandi Pálma, eiganda Fons. Það hefur ekki verið neitt launungarmál enda berst hann fyrir þeim sem hafa verið sviknir og prettaðir af uppblásnum og upplognum hlutabréfum sem hafa engu skilað til eigenda sinna öðru en tómum vösum og leiðindum.

Alltaf gott að vera með sín prinsippmál á hreinu!

Afþakkaði gjafabréf í Útsvari

Gull og glóbagull

Í dag duttu inn úr dyrunum tveir gullmolar. Tvær góðar vinkonur sem eru eitt af því dýrmætasta sem ég á. Ég og litlan mín urðum kátar og glaðar, það var glatt á hjalla.

Þegar þær fóru varð mér hugsað til þess hversu dýrmætt það er að eiga svona góða að. Og hversu mikilvægt er að meta það. Það er alltaf sagt að maður sé fæddur inn í fjölskyldu en velji sér vini.

Vissulega er samt ekki allt gull sem glóir. Sérhver einstaklingur getur tekið feil á gulli og glóbagulli og talið sig eiga fjársjóð sem er síðan í raun einskis virði. En með tímanum lærir maður að þekkja muninn. Allir ættu því að passa það vel sem er í raun dýrmætt og huga vel að því en eyða ekki tíma í það sem virðist svo fallegt en er bara glóbagull.

Sannur vinur er gullmoli. Hlúum að vináttu okkar - hún er svo dýrmæt.

Þakkir til vinkonu

Í lífsins ólgusjó og þegar margt mæðir á þá gleymist stundum það sem mestu máli skiptir. En til allra lukku var ég minnt á það í kvöld. Pabbi, mamma, börn og bíll (+ hundur) er ekki gamalt úrelt dæmi. Að sitja stundarkorn hjá vinkonu þar sem allir einstaklingar fjölskyldunnar hafa fengið að blómstra hver á sinn hátt er ómetanlegt. Það sýnir manni og minnir á hversu mikilvægt það er að sýna náunganum tillitsemi og leyfa hverjum og einum að vera hann sjálfur.

Takk fyrir góða kvöldstund og yndislegt að sjá unglinga dafna þegar þeir eru virtir fyrir eigin verðleika. Fjölskyldu standa saman og sýna hvort örðu tillitssemi. Megi allir öðlast þá gæfu að vaxa og dafna í þannig umhverfi.

Góðar stundir.

Siðblindan er víðar en í stjórnmálaheimum!

Undanfarna mánuði hef ég verið að reyna að átta mig á ýmsum hlutum. Svo datt ég niður á þessa lýsingu og hún segir allt sem þarf.

Þetta er lýsing á siðblindu í fáum orðum.

Vægðarlaust ryður hann sér braut gegnum

lífið og skilur eftir sig slóð af brostnum

hjörtum, væntingum og tómum veskjum. Hann

svífst einskis í eigin þágu, enda samviskulaus

og ófær um að setja sig í spor annarra. Reglur

mannlegra samskipta og samfélagsins eru

fótum troðnar án minnstu sektarkenndar eða

eftirsjár.

Þetta er inngangur af lýsingu á siðblindum einstaklingum. Sumir vilja tengja þetta við menn í fjármálaheiminum í dag en því miður eru svona einstaklingar oft langt fjarri þeim heimum. Jafnvel þeir sem hafa hæst í því að gagnrýna stjórnvöld, útrásarvíkinga og það sem á okkur dynur í dag. Það sem einkennir þessa einstaklinga er að oftast eru þeir mjög sjarmerandi útávið - heillandi og laða að sér fólk. Þar til það kynnist þeim betur.

Til allrar lukku eru ekki svo margir sem lenda í nánum kynnum við siðblinda einstaklinga. En þeir sem gera það geta verið lengi að ná sér eftir slíkt. Það brýtur fólk niður andlega vegna þess hve maður er trúr þeim sem maður þykir vænt um og þolþanið er mikið. En að lokum brotna krosstré sem önnur tré.

Siðblindan var mikil í fjármála og bankaheiminum. Það kom sér illa fyrir okkur öll. Það er eitthvað sem við öll þurfum að kljást við.

En því miður eru siðblindir einstaklingar líka á heimilum fólks. Ekki tengdir útrásarvíkinum eða þeim sem hafa nú brotið landið. Og líkt og útrásarvíkingar hafa þeir enga samvisku og nota alla krafta sína í að brjóta niður. Svífast einskis. Jafnvel þeirra eigin börn eru ekki undanþegin þar sem þeir geta ekki sett sig í spor annarra - þeir hafa sínar eigin reglur, sín eigin lög.

Ég óska engum að þurfa að eiga í kreppu í kreppunni. En þeir sem það þurfa eiga skilning minn og samúð alla.

Við viljum lýðræðislega umfjöllun á Alþingi!

Við viljum að málin séu kynnt fyrir þjóðinni. Við viljum lýðræðislega umfjöllun á Alþingi. Við viljum vita hvaða möguleikar standa okkur til boða. Við höfnum einstefnu ríkisstjórnarinnar!

Nýr vefmiðill er kominn í loftið - Svipan á svipan.is - þar er vettvangur fyrir lýðræðislega umræðu.

Við viljum að öllum steinum sé velt, stóru mál þjóðarinnar séu skoðuð frá öllum sjónarhornum og að þjóðin fái réttar upplýsingar hverju sinni.

svipan.is

Hétu öll stuðningi

Er ráðlegt að vera aðilar í AGS prógramminu?

Í Svipunni (svipan.is) má sjá grein sem fjallar um rannsókn á AGS prógramminu hjá þjóðum sem hafa blandaða afstöðu til þess og hvort það í raun skapar trúverðugleika.

Mæli með þessari lesningu.

Jóhanna gagnrýnir Brown

Told you so!

Auðvitað gátu menn sagt sér það sjálfir að honum var stillt upp við vegg. Hann var auðvitað maður með meirum og henti ráðherrastólnum í Jóhönnu og Steingrím (nei - ekki í bókstaflegri merkingu). Þetta er kúgun engu að síður. Og ég gæti best haldið að þetta sé ekkert einsdæmi á Alþingi í dag. Kúganir og hótanir. Andlegt ofbeldi svo ekki sé minna sagt.

Oj bara.

Ögmundur: Var stillt upp við vegg