Bjarni lúmskur.

Ekki vill hann hallmæla AGS. Ó nei. Enda ef Sjálfstæðismenn myndu komast til valda er ég handviss um að þeir myndu snúast á sveif með þeim og ESB þar sem þeir hafa sterk ítök í LÍÚ.

En þetta er það sem fólkið vill heyra og það veit hann. Nú vonast hann til að ríkisstjórnin falli og hann komist í ríkisstjórn. Að Sjálfstæðisflokkurinn vilji ekki vera á bandi auðvaldsins væri eitthvað alveg nýtt og eiginlega óhugsandi. En Bjarni treystir á það að enn séu nógu margir Íslendingar nægjanlega óupplýstir til að vera ekki að fara of djúpt í hlutina. Og sennilega hefur hann alveg rétt fyrir sér - því miður.

Enn hvet ég fólk til að nálgast myndina Flow for the love of water

http://topdocumentaryfilms.com/flow-for-love-of-water/

og heimildarmynd um efnahagshrunið í Argentínu - í boði AGS

http://topdocumentaryfilms.com/argentinas-economic-collapse/

Einnig hvet ég fólk til að lesa greinina "Gjafakvótanefndin" á svipan.is

http://www.svipan.is/?p=9265

Og hugsa svo vel og vandlega um hag okkar sem þjóðar.

 

Falleinkunn fyrir ríkisstjórnina

AGS vill hækka skatta, en það er alls ekki til bóta fyrir neinn!

Ekki fyrir neinn mun má hækka skatta og álögur á fólk og fyrirtæki á þessum tímum. Hækkun virðisaukaskatts fer beint inní neysluverðsvísitölu og þar með hækkar verðbólgan. Fyrirtæki og einstaklingar eru nú þegar blóðmjólkaðir á alla mögulega vegu og þeirri spennu þarf að aflétta ef eðlileg neysla þessara hópa á að koma efnahagskerfinu til bóta í gegnum það kerfi sem nú þegar er. Hækkun þessara skatta mun valda neikvæðum samdrætti annarsstaðar í hagkerfinu og ríkissjóður mun ekki fá þessar tekjur í ríkiskassann. Það er ekki nóg að setja einhverja hækkun inn í exelskjal og sjá niðurstöðuna í krónum. Það fara önnur öfl af stað annarsstaðar. Þetta held ég nú að sérfræðingar AGS viti vel - séu þeir sérfræðingar.

Það sem mætti gera er að skattleggja séreignarlífeyrissparnað fyrirfram en ekki eftirá. Það mun ekki koma mikið við einstaklinga og alls ekki fyrirtæki. Sú skattlagning fer ekki inn í neysluverðsvísitölu en ríkið mun fá ríflega þær skatttekjur sem þeir vænta af annarri skattlagningu. Síðan ætti frekar að huga að lækkun skatta til að hjálpa hjólum atvinnulífsins í gang aftur - en sú aðgerð mundi reynast best í framhaldinu. Það þarf að koma atvinnulífinu í gang og í kjölfarið fara hjólin að snúast.

Ef einhver sér vankannta á þessari tillögu þá þætti mér vænt um að fá þá umræðu uppá borðið.

Standa saman þjóð!

Fari frekar þá leið að skera niður

Það er að færast hiti í leikinn! Dótturfélag í Svíþjóð?

Nú er kominn hiti í leikinn og Magma að kaupa uppúr eigin sænsku skúffu. Merkileg tímasetning ekki satt? Þeir gerðu sennilega ekki ráð fyrir hugsandi bloggurum og óþekkum pólitíkusum þ.e. þeim sem upplýstu málið og Margréti Tryggva sem tætti af stað til varnar.

Sumir hér á landi eru búnir að fá nóg af spillingu og hagsmunasemi auðvaldsins - sem betur fer. Til allrar lukku er komin af stað ný hugsun. Menntun og kraftur þjóðarinnar er að skila árangri - kannski á annan veg en umheimurinn gerði ráð fyrir. Þessi litla menntaða þjóð spyrnir við fótum.

Við viljum sjálf hafa umráðarétt yfir okkar eigin auðlindum. Við erum ekki til sölu og það mun reynast erfitt að knésetja okkur. Þökk sé litlum hóp þingmanna, glöggum bloggurum og nokkrum mótmælendum sem berjast fyrir þjóðina. Utan grasrótarinnar sem ekki vill ganga inn í miðstýrða stjórnmálaflokka og láta þagga þar niður í sér.

Það er enn von - og von okkar eruð þið, almenningur, sem látið ykkur málið varða.

Magma í 40 milljóna dala hlutafjárútboð

Þingmenn Hreyfingar halda áfram tiltekt í þágu almennings.

Nú munaði mjóu að HS Orka lenti í í eigu erlendra aðila. Og auðvitað vissi Iðnaðarmálaráðuneytið (undir stjórn Samfylkingar) að um skúffufyrirtæki væri að ræða. Skúffufyrirtæki í Svíþjóð.

Nú má staldra aðeins við þessa hugsun. Afhverju skúffufyrirtæki í Svíþjóð. Ykkur er velkomið að efast um skoðanir mínar, en samkvæmt lögum er það nú svo að sé réttindum úthlutað til langtímanotkunar eins og í þessu tilfelli verður hann á nokkrum árum að beinum eignaréttindum samkvæmt grundvelli hefðaréttar.

En skilyrðin fyrir því að óbein eignaréttindi í formi nýtingar-/afnotaréttar myndi beinan og óskoraðan eignarétt samkvæmt hefðarrétti eru að eignin sé annað hvort í einskis manns eigu eða opinberri eigu og hafa verið nýtt í 40 ára eða meira.

Stóra spurningin er - þar sem Svíþjóð er í ESB. Lendir þá eignarrétturinn hjá ESB?

Sama plottið er í gangi með kvóta okkar íslendinga eins og sjá má í grein sem birtist á Svipunni fyrr í kvöld.

http://www.svipan.is/?p=9265 undir nafninu Gjafakvótakerfið.

Ef kvótakerfið með þessum hætti ratar til LÍÚ mun næsta ljóst að Sjálfstæðismenn munu sveiflast í einu vetfangi í átt til ESB sem mun á endanum eignast kvótann þar sem AGS vegur linnulaust að efnahag okkar og kemur í raun í veg fyrir efnahagslega endurreisn. Kvótinn er skuldsettur - já - og á endanum gæti það svo auðveldlega lent endanlega í eign annarra aðila.

Og er verið að hafa hag almennings í huga hérna? Nei - hér er fólk að maka sinn krók án umhugsunar um Ísland framtíðarinnar. Auðlindalaust Ísland. Peð í höndum Brussel.

Það undrar mig ekki að ég heyrði Þjóðverja sem starfar í Brussel hlægja dátt og segja. "Hva - ég hélt að allir hér gerðu sér grein fyrir því að ESB vill fá auðlindirnar ykkar. Og það er talað um það innan okkar að í boði sé niðurfelling á Icesave skuldunum"

Ég hváði. Síðan þagði ég lengi. Auðvitað er þetta ekki neitt sem ég get staðfest, en heildarmyndin í púsluspilinu er vissulega að birtast, eitt brot í einu.

En við Íslendingar eigum orðið öfluga grasrót. Grasrót sem ekki er tilbúin til þess að við - almenningur - Íslendingar - afsölum okkur réttindum okkar og auðlindum. Hreyfingin er brú þessa grasrótahópa inná Alþingi okkar Íslendinga.

Og grasrótin mun berjast áfram, afla sér upplýsinga og miðla til fólksins í landinu. En það er fólksins í landinu að leggja eyrun við og velja. Viljum við auðvaldið eða viljum við Ísland.

Íhugar að kæra málið til ESA

O jú - AGS hvetur ríkisstjórnina til að hækka skatta.

Þó svo það sé ríkisstjórnin sem á að hækka skatta þá er það AGS sem stendur þar á bakvið og þessar hækkanir koma beint úr skýrslu - eða ráðgefandi skýrslu - frá AGS.

Hinsvegar er ég sammála Ólöfu með það að svona skattahækkanir eru ekki ráðlegar og vegna annarra áhrifa munu þeir ekki skila væntum tekjum í ríkiskassann. Þeir munu frekar skila meiri erfiðleikum fyrir lítil fyrirtæki og illa sett heimili. Það held ég að AGS viti alveg.

Sjáum til hvað t.d. þveröfugar aðgerðir mundu gera.

Í forsetatíð Bill Clintons voru sköpuð um 6 milljón ný störf á fyrstu tveimur árunum. Árið 1994 hafði hagkerfið lægsta atvinnuleysi miðað við verðbólgu í 25 ár. Það sem Clinton gerði var að lækka skatta hjá 15 milljón lágtekjufjölskyldna og 90% af litlum fyrirtækjum en hækka skatta um 1,2% hjá þeim hæstlaunuðustu. Halli ríkisins minnkaðu um 600 milljarða á þessu tímabili.

Hann jók við útgjöld ríkissins um 4,3% en hækkaði jafnframt GDP um 14,2%.

Þetta er kallað að koma hagkerfinu í gang. Það má vera að það sé verið að útlista hér minna atvinnuleysi. En af hverju er það? Er ekki búið að koma á laggirnar einhverskonar uppbótavinnu fyrir skólafólk. Í stað atvinnuleysisbóta. Tilflutningur úr atvinnuleysiskerfinu sem lítur betur út. Og stendur yfir nú um sumarmánuðina. Hvað svo?

Ríkið gæti hinsvegar náð inn auknum tekjum á þessu tímabili með því að skattleggja séreignarlífeyrissparnað fyrirfram - en ekki eftirá. Þá á fólk sinn sparnað skattfrjálsan við úttekt í stað þess að þurfa að greiða skatta eftir x mörg ár á þeim skattakjörum sem þá bjóðast.

Þetta gæti hugsanlega gert mun meira fyrir ríkiskassan en ráðleggingar AGS. Sem alls ekki eru til góða. Hér þarf atvinnusköpun og aðstoð til þeirra sem eru í erfiðleikum vegna þess sem á hefur dunið síðustu tvö árin.

Hér þarf að standa saman sem þjóð og hugsa um okkar þjóð. AGS er nokk sama. Þeir vinna fyrir auðvaldið - ekkert annað.

Óráðlegt að hækka skatta

En Katrín vissi að um skúffufyrirtæki var að ræða.

Með því að upplýsa um lög og regluverk orkumála og sölu auðlinda úr landi má vera ljóst að það hljóti að hafa komið uppá borðið að möguleiki væri að selja HS Orku í gegnum land innan Evrópusambandsins. Síðan þykir Iðnaramálaráðherra furðu sæta að aðrir hafi ekki vitað að um skúffufyrirtæki væri að ræða. Hún vissi það greinilega svo upplýsingar ráðuneytisins hafa gagnast með það í huga að til stóð að stofna þetta ákveðna skúffufyrirtæki, Magma Energy Sweden.

Auðvitað er það alþekkt í núverandi íslenskum stjórnmálum að hver bendir á annan og hrópa "ekki ég - ekki ég".

Eru þá forsvarsmenn Magma Energy lygararnir? Eða er það Iðnaðarmálaráðuneytið? Eða jafnvel Vipskiptaráðuneytið? Þessi feluleikur og undanbrögð í íslenskum stjórnvöldum er orðin meira en lítið til skammar. Hvort heldur það eru fjárframlög, mútur, lögbrot eða hvað sem helst.

Það þýðir afskaplega lítið fyrir þetta fólk að stinga endalaust hausnum niður í sandinn og halda að vandamálið hverfi. Þjóðin er orðin alltof meðvituð um vinnubrögð innan stjórnarinnar.

Sorry - bara bláköld staðreynd.

 

Leiðbeindu ekki eigendum um stofnun félags

FME með lagagrunn sem enginn þekkir?

Það er auðvelt að tala um lagagrunn en hafa hann svo ekki eftir. Ég veit ekki til þess að neinn viti um hvaða lagagrunn Gunnar Þ. Andersen er að tala.

Ég veit svosem ekki heldur hvaða reglugerðum hann fylgdi til að gefa grænt ljós á bankana í janúar 2008. Þar var eiginfjárstuðull þeirra í ótrúlega góðu lagi miðað við það sem síðar kom í ljós um áhættur og stór lán til einstaklinga, ásamt afleiðuviðskiptu og öðru sem hvergi kom fram.

Í Morgunblaðinu í gær mátti lesa grein Magnúsar Thoroddsen frv. hæstaréttardómara um túlkun hæstaréttar á gengistryggðum lánum.

Eftirfarandi má lesa á bloggi Halldórs Jónssonar þar sem hann dregur saman niðurstöður Magnúsar Thoroddsen frv. hæstaréttardómara saman á mjög greinagóðan hátt. Grein Magnúsar var birt í Morgunablaðinu.

Samantekt hans er eftirfarandi:

1.Lög um samningsgerð, umboð og ógilda löggerninga, sem í daglegu tali eru nefnd samningalögin, eru að stofni til frá árinu 1936, nr. 7. Þau eru samnorræn að stofni. 

2.. Þau hafa tvívegis verið aukin og endurbætt. Í hið fyrra sinnið varð það með lögum nr. 11/1986.Þá var með 36. gr. veitt lagaheimild til að breyta samningi. Grein þessi hljóðar svo: » Samningi má víkja til hliðar í heild eða að hluta eða breyta, ef það yrði talið ósanngjarnt eða andstætt góðri viðskiptavenju að bera hann fyrir sig (sbr. þó 36. gr. c).

3.Varðandi túlkun á þessu lagaákvæði segir svo í 2. mgr. 36. greinarinnar: »Við mat skv. 1. mgr. skal líta til efnis samnings, stöðu samningsaðilja, atvika við samningsgerðina og atvika, sem síðar komu til.«

4.Hið síðara sinnið, er samningalögin voru aukin og endurbætt, var með lögum nr. 14/1995 eftir að Ísland gerðist aðili að EES-samningnum. Með þeirri lagabreytingu var réttarstaða neytenda aukin til muna.

5.Með því að dæma gengistryggingarákvæðið ólöglegt, hefir samningnum verið vikið til hliðar að hluta í skilningi 36. gr. samningalaganna.

6.Þrátt fyrir það er samningurinn efnanlegur að öðru leyti og því getur neytandi, skv. 36. gr. c, 2. mgr., krafist þess, að lánssamningurinn »gildi að öðru leyti án breytinga«, svo sem þar er mælt fyrir um.

7.Þegar lagaákvæði eru jafn skýr og ótvíræð, eins og ákvæði 36. gr. samningalaganna eru, sem og sjálfur tilgangur laganna, verða dómendur að dæma samkvæmt því.

8.Ef við lítum svo á, að gengistryggingardómar Hæstaréttar frá 16. júní sl. séu »atvik, sem síðar komu til« , þá segir í 2. mgr. 36. gr. c, að eigi skuli taka tillit til þeirra, »neytanda í óhag.« Verði vextirnir í gengistryggðu lánasamningunum hækkaðir frá því sem umsamið var, yrði það »neytanda í óhag«. Þess vegna er vaxtahækkun óheimil.

Hvernig og hvar eru nú lögin sem FME er að vísa til? Ég er viss um að margir bíða spenntir eftir því að fá hans tilsvör.

FME telur lagagrundvöll gengislánatilmæla traustan

Það var rétt!

Ég styð þingmann Hreyfingarinnar heilshugar í þessu máli og fagna þessu erindi.

Iðnaðarmálaráðuneytið og allir þeir sem komu að þessum samningi þurfa að gera grein fyrir máli sínu og það ekki seinna en strax. Margir lögðu sitt af mörkum til að koma í veg fyrir þennan samning og að auðlindir okkar Íslendinga væru ekki seldar úr landi á þennan hátt. En allt kom fyrir ekki.

Ég fæ ekki skilið hvernig ríkisstjórnin getur setið áfram eftir, núna tvö lögbrot, á skömmum tíma!

Vill fund um Magma í iðnaðarnefnd

Íslendingar geta þakkað fyrir heimsku ríkisstjórnarinnar!

Í annað sinn á skömmum tíma virðist sem ráðamenn hafi skotið sig í fótinn með eigin heimsku - okkur til hagsbóta. Nú fyrir skemmstu þegar lög um gengistryggð lán voru túlkuð af hæstarétti og þau þar með án alls vafa, ólögleg - (lög sem fræðingar ríkisstjórnar hefðu átt að geta túlkað rétt). Og nú kemur á daginn að þeir aðilar sem álösuðu skúffufyrirtæki útrásarvíkinga og létu stórum - búa svo barasta til eitt slíkt "næstum" sjálfir. Ólöglegt - again!

Hversu mörg lög - samþykkt af Alþingi - mun Alþingi hundsa og hlaupa í kringum - áður en einhver segir stop!

Hefur enginn vald til að slíta þessari stjórn? Þetta er nú meiri fjárans samsuðan.  Vinstri "grænir" eru álíka grænir og appelsínugulur froskur á kjarnaúrgangseyju. Og samfylkingin. Þeirra einu áform eru að gefast endanlega upp með allt sjálfstæði og senda okkur í ESB. Þegar þeir hafa leyft AGS að rífa hér allt upp með rótum og traðka niður almenning, fyrir auðvaldið. Hrópandi loforð um skjaldborg heimilanna rétt á meðan þeir skrifa undir yfirlýsingar þess efnis að setja megi þau í gapastokkinn frá og með október 2010.

Auðvaldið hefur svo birst okkur í hinum ýmsustu myndum, með leyfi stjórnvalda, og hirt af okkur aleiguna, gefið hana bestu vinum sínum og sent okkur hinum feitan reikning. Afskrifað okkur síðan yfir í nýju bankana sem "væntanlegt gjaldþrot".

Krúttlegt.

Hvað þarf ein lítil þjóð að ganga í gegnum til að geta krafist þess að fá heiðarlega umboðsmenn fyrir sig inn á þing? Öðru nafni Alþingismenn?

Iðnaðarráðuneyti leiðbeindi

Glæsilegt. Hæstiréttur byrjar með skjaldborg heimilanna.

Reyndar er þetta alltsaman mesta svívirða. Fjármálafyrirtæki máttu vita að þessi lán voru ólögmæt en samt krefjast þeir nauðungaruppboðs í eignir. Ef þetta er ekki bara til að sýna óskammfeilni þessara fyrirtækja þá veit ég ekki hvað.

Og allar eignirnar sem búið er að taka af fólki eftir hrun vegna gengistryggðra lána. Mér er ofarlega í minni maðurinn sem "slátraði" húsinu sínu á Álftanesi vegna gífurlegra hækkana þessara lána og fáránlegra viðbragða lánveitenda.

Allar sögurnar sem maður hefur heyrt og þau vandræði sem fjölskyldur hafa lent í vegna þessara lána eru hreint sorglegar og enn sorglegri þegar með því einfaldlega að viðurkenna gildi þessara laga (af ríkisstjórn sem ekki einu sinni bað um lögfræðiálit) væri óvéfengjanlegt.

Þess í stað er veittur afsláttur á þessum lánum til nýju bankanna og þau innheimt af hörku.

Svo finnst sumum skrýtið að almenningur kalli eftir réttlæti!

Hætt við nauðungaruppboð