Told you so........

.... og ekki orð um það meir.

Hefur verið vitað ALLAN TÍMANN.

Bretar forðast dómsmál

Hin stolta vinstri velferðarríkisstjórn sem eigi vill víkja

Mikið hjóta nú forsprakkar þessarar ríkisstjórnar að sofna vel á kvöldin. Vinsti velferðarstjórnin. Þessi sem lofaði skjaldborginni sem aldrei kom. Til allrar blessunar höfum við Hagsmunasamtök heimilanna og samtök lánþega.

En stjórnin. Hún veit hvað hún er að gera fyrir sinn litla mann. Hvað er betra en að fara að sofa svangur dag eftir dag. Auðvitað þurfa allir að fá að komast í innri snertingu við forfeður sína í moldarkofunum. 

Og vonleysi fólksins sem ekki getur séð fyrir nauðþurftum. Þvílíkur lúxus það hlýtur að vera. Hvern langar ekki til að fá þá tilfinningu að vilja helst yfirgefa þetta líf? Þá fyrst getur það tekið ákvörðun um hvort það er þess virði að lifa því.

Nú - þessir veikgeðja munu kannski eiga erfiðara með ákvörðunina, en er ekki lögmálið að þeir sterkustu lifa af? Það er örugglega hugsjón ríkisstjórnarinnar, sem nú þegar hefur gefið geðlæknum fyrirmæli um að skera niður rándýr lyf og segja fólki að fara út að labba. Já þetta hefur maður nú heyrt og hváð. Enda er geðsviðið skorið niður á sama tíma og fólk er beinlínis hent inn í þunglyndi og vonleysi.

Ég las grein um daginn þar sem maður keypti nesti fyrir ungan dreng sem var að reyna að safna sér fyrir skólanesti þann daginn. Aðra sögu um mann sem borgaði bleyjur og nauðsynjar fyrir unga konu sem hafði ekki innistæðu á kortinu sínu í Bónus. Þetta voru fallegar sögur - en finnst fólki þetta smart?

Á það að líðast hér að fólk svelti? 

Aldrei hafa borist jafn margar tilkynningar til barnaverndarnefndar. Vitiði hvað það þýðir? Foreldrarnir eru búnir að missa vonina og sjá ekki fram úr svartnættinu. 

Ríkisstjórnin heldur kannski að þetta hafi ekki áhrif á sálarlíf fólks - sennilega af því það hefur ekki áhrif á þeirra eigið sálarlíf.

En jú - ég skal segja ykkur leyndarmál. Þetta hefur áhrif. Slæm áhrif. Áhrif sem bitnar á börnunum þegar foreldrarnir sjá ekki lengur fram úr því hvernig þeir geti haldið heimili fyrir þau. Sumir enda á því að taka sitt eigið líf - þeir geta ekki barist lengur.

Er ekki komin tími til að þjóðin vakni og taki höndum saman um að krefjast betri lífsskilyrða fyrir þá sem minna mega sín. Hætti að horfa í eigin barm - eins og ríkisstjórnin gerir - og krefjist lausna.

Kannski eru ég og þú ekki á vonarvöl. En vitiði, það er ekki málið. Málið er að maður veit af svo mörgum sem eru að gefast upp. Og það eru Ég og Þú og allir hinir sem getum gert eitthvað.

Vinstri velferðarstjórnin gerir það nefninlega ekki.

 

Hvorki efni á mat né bensíni

Hreina eign?

Ég gat ekki annað en fipast í lestrinum þegar kom að kaflanum um að vaxtaniðurgreiðslur ákvörðuðust af hreinni eign. Þegar verðbólga og stökkbreytt lán eru búin að éta upp eignir fólks - þá er talað um hreina eign!

Svona til upplýsingar þá var ég einmitt að fara yfir pappíra og skoða mitt litla sæta lán, sem er verðtryggt. Verðbólgan hefur bætt á það litlum 54% undanfarin ár. Fyrir þann tíma átti ég "hreina eign" en hún hefur verið étin upp af verðbótum og er nú komin yfir í hreina skuld.

Auðvitað hlýt ég að vera óendanlega þakklát hinni miklu skjaldborg heimilanna sem hefur akkúrat ekkert gert fyrir mig. Ekki neitt.

En það er um að gera að verðlauna þá sem meira mega sín. Þeir eru einmitt einstaklingarnir sem þurfa fyrst og fremst á því að halda. Mun betra að fara í þannig aðgerðir en að gera það rétta í stöðunni - að leiðrétta lán fólks.

En það virðist ekki samræmast hugmyndum ríkisstjórnarinnar að efna loforð sín um að slá skjaldborg um heimilin. 

Leið Jóhönnu til handa bágstöddum heimilum heitir Umboðsmaður skuldara. Ekki veit ég alveg útfrá hverju þeir miða greiðslugetu fólks, en eitt veit ég - þau viðmið eru kolröng.

Ef þriggja manna fjölskylda, með eina atvinnulausa fyrirvinnu á að geta reitt fram af bótum sínum yfir 50 þús á mánuði (reiknuð greiðslugeta) þá er nokkuð ljóst að formúlurnar á þeirra excelskjali er ekki alveg að gera sig í raunveruleikanum. Ekki nema framfærslan sé mögulega reiknuð útfrá 2ja ára gömlum tölum.

Ef maður kíkir á sundurliðun fyrir rafmagnskostnað, leikskólagjöld, síma ofl. þá erum við að tala um tölur sem eiga sér ekki lengur stað í raunveruleikanum - eftir allar hækkanir sl. árs.

Og hvaða 3ja manna fjölskylda lifir á 80þús á mánuði í mat?

Allavega fæ ég ekki séð að þessir útreikningar standist raunveruleikann á nokkurn hátt. Og raunveruleikinn er fengin af persónulegri reynslu - kemur excelskjali ekkert við.

En skuldirnar - þær eru uppreiknaðar og verðbættar í topp.

Ég beygji mig og bugta í djúpri virðingu og þakklæti til Jóhönnu fyrir þessa dásemdar skjaldborg....

NOT

 

 

12 milljarða endurgreiðsla

Steingrímur og Mr. Moodys

Eins og alþjóð veit er Steingrímur J. svakalega stór kall á Íslandi. Svo stór að hann getur labbað inn á teppi hjá "Mr Moodys" og sagt honum til verka.

Ágæti Mr Moodys. Nú erum við hérna ríkisstjórnin á litla sæta Íslandi með smá plott. Sko - við viljum nefninlega að fólkið í landinu gangist við því að borga vexti og skuldir vegna nokkurra einkabanka sem fóru á hausinn. Nokkrir viðskiptajöfrar sem spiluðu rassinn úr buxunum - þú veist. Já, einmitt þessir sem voru með Aaa hjá ykkur 2008.

Nú þarf að hræða þessa forheimsku þjóð svo hún fari ekki að taka völdin af okkur og eyðileggi allt plottið. OK? Þið skrifið nokkrar greinar - hótið að fella lánshæfismatið og málið er dautt.

Sæll aftur Mr. Moodys. Steingrímur hérna aftur. Þetta með hræðsluna um lánshæfismatið virkaði ekki nógu vel. Nú þarf ég að klóra í bakkann og hnakkann svo að fólkið fatti ekki að þetta var svona "allt í plati" dæmi. Svo ég segi bara að ég hafi spjallað við þig og sagt þér að við værum í fínum málum og það þyrfti ekkert að lækka hjá okkur lánshæfismatið. OK. Reddum þessu svona fyrir horn núna.

Við erum svo með annað plot í gangi. Við nefninlega segjum þjóðinni að nú sé bara allt að verða í lagi. Á endanum trúir hún því. Þetta er svona okkar tækni til að fá fólkið til að sætta sig við 10% atvinnuleysi. Við þurfum sko aðeins að hnika viðmiðunum hjá þessum skríl.

Ég hringi svo bara í þig aftur þegar við setjum grænt ljós á Aaa aftur og höldum áfram að spila Matador. ...........

Eruð þið ekki alveg að kaupa þetta?

„Gleypir ekki við skrípaleik“

Haldiði kjafti einu sinni og farið í endurmenntun - eða eitthvað.

Maður er að fá gubbuna upp í kok oft á dag við að lesa um það sem þessir háttvirtu alþingisfrík tjá sig um. "Okkur tekst að verjast bla bla bla". Eins og Moody's sé mátturinn og dýrðin.

Hagvöxtur í himinhæðum - NOT. Heimilin svelta og geta ekki framfylgt nauðþurftum sínum. Geta þess vegna ekki tekið þátt í þessu mikilvæga hagvexti.

Ú hú - hvað er málið hugsar Steingrímur - afhverju er þetta ekki að virka. Nú er ég búin að setja skatta í topp( samkvæmt skipunum frá AGS sem vilja fá borgað fyrir sína kröfuhafa - íslenska þjóðin má hinsvegar éta skít ) og samt erum við ekki að ná inn tekjum. Hvers vegna? Af hverju kaupir fólkið ekki kjetið og brauðið eins og venjulega? Hvernig eigum við að gera AGS hamingjusama svo að ég fái nú gott starf í Brussel og himinháar lífeyristekur.......

Og af hverju er fólk að standa í þeim fjára að fyrirfara sér frekar en að standa í 900 manna röð fyrir framan fjölskylduhjálp. Getur ekki fólk bara staðið í röð til að fá eitthvað ókeypis?

Hvaða fjandans máli skiptir það þótt þeir missi húsnæðið sitt og eigi ekki fyrir mat. Oh - hverjum stendur ekki á sama um þannig fífl. Sem hafa misst vinnuna og þekkja ekki rétta fólkið til að koma sér í vinnu aftur. Hefðu betur farið í Versló. Það fólk sér sko um sína - sjáið bara eiganda MP banka  sem var að fá afskrifaðr 400 millur. Þar fer nú klár aðili.

Skjaldborgin hennar Jóhönnu er auðvitað brilliant. Þeir fá greiðsluaðlögun sem samkvæmt skjölum, reynslu eða menntun, hafa möguleika á að koma sér á strik. Með þeim annmarka þó að vera lifandi dauðir á meðan ferlinu stendur. Sem þýðir að einstaklingur á bótum á að hafa afgangstekjur - sérstaklega ef börn eru til staðar. Ekki nota barnabæturnar fyrir börnin - borgaðu skuldir. Þú hlýtur að kunna einhverja góða sögu til að skemmta barninu og það er nú kominn tími til að læra að sauma nýjar buxur uppúr þeim gömlu.

NEI  NEI NEI

Þetta er ekki í lagi.

Og ef Jóhanna og Steingrímur eru ekki farin að finna fyrir hitanum undir þeirra háttvirta afturenda - eða skynja ekki andúð þjóðarinnar í þeirra garð - þá eru þau, þessar elskur, heimskasta og þrjóskasta fólk landsins - á eigin ábyrgð.

Og ef fleiri sjálfsmorð eiga sér stað vegna ástúðar þeirra við ESB og AGS - þá mæli ég til með að þau verði kærð fyrir manndráp af gáleysi (eða heimsku).

Sorry - stundum er mælirinn bara fullur.

 

Varnarsigur fyrir Ísland

Hungur eykur ekki hagvöxt!

Á hverjum degi birtast tölur sem benda allar í sömu átt. Einstaklingar og heimilin í landinu eru nauðbeygð til að skera niður nauðsynjar. Ekki skrýtið að því er spáð að hagvöxtur verði minni en ætlað var.

Þetta fæst m.a. af aukinni skattlagningu neysluvöru og hækkun virðisauka. En þetta er líka vegna þess að þrátt fyrir kaupmáttarrýrnun hafa t.d. bætur fólks ekki hækkað. Ekkert er gert til að koma til móts við þá sem hafa hvað minnst á milli handanna. Hvernig eiga þeir einstaklingar að mæta sífelldum hækkunum á nauðsynjum?

Það er víst að hungruð þjóð er ekki það sem skapar hagvöxt hér á landi. Þjóð sem haldið er frá eðlilegri neyslu og einstaklingar sem geta ekki lengur nálgast nauðsynjar fyrir sig og sína. Ekkert af þessu eykur framleiðni og hagvöxt.

Ef horft er á þessar fréttir, ekki út frá sjónarmiði ríkisins, heldur almennings - þá er niðurstaðan ávalt sú sama.

Almenningi hefur verið ýtt út í horn og er að kikkna undan sköttum, álagi og atvinnuleysi.

Hvar er skjaldborgin? Hvar eru úrræði fyrir sveltandi þjóð?

 

Minni sala á kjöti og mjólk

Ömurleg velferðarríkisstjórn

Skyldi hin norræna velferðarríkisstjórn okkar nokkurn tíma hafa heyrt um þarfapýramída kenndan við Maslow? Ef horft er til grunnþarfa einstaklings til að lifa er líklegt að ríkisstjórnin skilji hann ekki eða sé alveg sama. Fyrst svo er ætti hún alls ekki að kenna sig við velferð og síður en svo.

Þarfir hvers einstaklings eru meðfæddar. Meðal grunnþarfa mannsins eru: Vatn, matur, húsnæði og svefn. Án þess að þessum frumþörfum sé fullnægt komast einstaklingar ekki í næsta þrep sem er öryggi. Sálarlíf þeirra sem ekki geta fullnægt frumþörfum sínum (og barna sinna) getur ekki verið gott. Öryggisleysi og ótti skapar vítahring sem ekki er hægt að eyða þegar von um að geta sinnt frumþörfum er tekin af fólki.

Ríkisstjórnin hikar samt ekki við að fremja þessi mannréttindarbrot á Íslenskum einstaklingum.  Við skulum líta á 25. grein mannréttindasáttmálans:

“ Allir eiga rétt á lífskjörum sem nauðsynleg eru til verndar heilsu og vellíðan þeirra sjálfra og fjölskyldu þeirra. Telst þar til fæði, klæði, húsnæði, læknishjálp og nauðsynleg félagsleg þjónusta, svo og réttur til öryggis vegna atvinnuleysis, veikinda, fötlunar, fyrirvinnumissis, elli eða annars sem skorti veldur og menn geta ekki við gert. 2. Mæðrum og börnum ber sérstök vernd og aðstoð. Öll börn, hvort sem þau eru fædd innan eða utan hjónabands, skulu njóta sömu félagslegu verndar.”

Þarna er t.d. bein tilvísun í grunnþarfirnar.

Lítum svo á 10. greinina. Hún er áhugaverð fyrir þær sakir að Alþingi hefur beinlínis sett lög (151/2010) sem aðstoðar banka og kröfuhafa til að ganga að eigum fólks sem ekki getur í núverandi samfélagi staðið undir þeim álögum.

“Allir skulu jafnir fyrir dómstólum og njóta réttlátrar, opinberrar málsmeðferðar fyrir óháðum og óhlutdrægum dómi, þegar skorið er úr um réttindi þeirra og skyldur eða sök sem þeir eru bornir um refsivert brot.”

Í stuttu máli, það er búið að svipta einstaklinga möguleika til bera hönd fyrir höfuð sér ofan á allt annað, þar sem kröfuhafar og auðvaldið eru greinilega rétthærri í okkar réttarkerfi en almenningur.

Það er í raun óþarfi að fara ofar í þarfapýramídann í þessari grein, burtséð frá því að einstaklingar fullir af sjálfstrausti og öryggi (fjórða þrep) munu væntanlega nýtast þjóðfélaginu mun betur og auka framleiðni og hagvöxt. En þar sem fjölmargir einstaklingar og jafnvel heilu fjölskyldurnar eru staðsett núna – í boði velferðarríkisstjórnarinnar – bíður þeirra lítið annað en meiri örvænting. Jafnvel andleg og sálræn veikindi – mögulega lífshætta.

Þvílík þvæla.

Það eina sem Jóhanna og hennar ríkisstjórn hefur gert er að fara eftir kröfum AGS. Kröfum sem ekki samræmast þjóðinni - heldur kröfuhöfum. Kröfum sem eru að kollvarpa þjóðinni, koma í veg fyrir atvinnuuppbyggingu vegna skatta. Kröfum sem eru almenningi offviða.

Vonandi setur forsetinn sem flest mál í þjóðaratkvæðagreiðslu. Næstu mál eru veiðiheimildir og kvótinn. Þar fæst ekki samstaða þeirra sem vilja og þykjast eiga þessa þjóðarauðlind - allt stopp.

Þjóðin getur komist að niðurstöðu sem tryggir hag þjóðar í heild.

Lifið vel.

Undrandi á forseta Íslands

Málið í þjóðaratkvæðagreiðslu!

Eina leiðin sem virðist fær hér þessa stundina til að ná fram góðri niðurstöðu fyrir þjóðina, er að setja stór mál í þjóðaratkvæðagreiðslu.

Það erum við að sjá núna þegar mikil umfjöllun  er um réttmæti þess að setja ekki ofvaxnar bankaskuldir á almenning, úti í hinum stóra heimi.

Það góða við stærstan hluta þjóðarinnar er að hún er á móti siðspillingunni og eiginhagsmunastefnu stjórnmálaelítunnar og hagsmunaklíka.

Að leiða stór mál fyrir þjóðina getur því einungis verið af því góða fyrir fólkið í landinu.

En þetta hræðast margir sem hagsmuna eiga að gæta - sem er gott.

Skortur á jafnréttishugsun

Skarpari en skólakrakki?

Hafi einhver verið í vafa um að leið ríkisstjórnarinnar þess efnis að láta hrun bankanna alfarið falla á almenning, hafi verið röng þá er þetta ágætis áminning.

Talað um "Íslensku leiðina" meðan Grikkir, Írar og Portúgalar virðast mega súpa hið alræmda AGS seyði sem okkur var jú vissulega ætlað líka!

Verk ríkisstjórnarinnar? Sei sei nei. Hún reyndi af mætti að koma okkur í sama klafa og AGS reynir nú að koma Grikkjum, Írum og Portúgölum í. Láta almenning taka á sig gjaldþrot ofvaxins fjármálakerfis þar sem áhættufjárfestar spiluðu villtan vals.

Þegar fyrirtæki verða gjaldþrota er það tap fyrir kröfuhafa. Það er bara staðreynd í viðskiptalífinu. Alþjóða gjaldeyrissjóðurinn kemur svo til að ná sem mestu inn fyrir kröfuhafana á kostnað almennings - merkilegt að ríkisstjórnir almennt leyfi þetta.

Sem betur fer tók meiri hluti almennings á Íslandi fram fyrir hendurnar á okkar vanhæfu ríkisstjórn. Ríkisstjórn sem leidd er af "leiðtoga" sem telur þjóðina sko ekki skarpari en skólakrakka.

En hvað erum við að sjá frá umheiminum?

Tillögur þess að þessi "heimski" almenningur sé tekinn til fyrirmyndar hjá öðrum ríkjum.

Og hana nú.

Leið Íslands