Hvernig væri að láta verkin tala?

Margir hafa beðið Skjaldborgar Jóhönnu sem aldrei kom nema í formi einhverra úrræða til handa þeim sám gátu haldið áfram að borga af sínum skuldum þrátt fyrir hrunið en nýttu sér möguleika á t.d. 17% lægri greiðslubyrði svo eitthvað sé nefnt.

Enn hefur stór hluti fjölskyldna verið gjörsamlega utan þess að geta fengið nokkur úrræði og það eru því miður þær fjölskyldur sem helst þurfa á þeim að halda. Þetta er t.d. barnafólkið sem jafnvel hefur misst vinnuna og hefur ekki getað borgað af húsnæði sínu né öðru í langan tíma. Þetta fólk sér nú jafnvel fram á að missa húsnæði sitt og hefur ekki efni á að fara á almennan leigumarkað.

Það fer mjög eftir því hvar húsnæðislán fólks er hvernig til tekst að fá úrræði. Úrræði sem margir þurfa er alger frysting langtímaskulda um einhvern tíma. Til að eiga möguleika á þessu þarf langt og strangt ferli mikilla upplýsinga og heillanga bið. Og fá svo jafnvel neikvætt svar þrátt fyrir mikla neyð.

Stjórnvöld þurfa að taka yfir þessara heimildir lánastofnana um að neita fólki um nauðsynleg úrræði með lagasetningu. 

Stjórnin ætti nú að láta verkin tala og sinna þessu fólki!

Flest heimili glíma við afleiðingar hrunsins

Krónan ER góð.

Margir hafa nú úthúðað íslensku krónunni uppá síðkastið. En það er ég viss um að í dag jukust vinsældir hennar mjög með þessum dómi Hæstaréttar. Semsagt - gamla góða krónan mun bæta efnahagslífið og blása smá lífi í hagkerfið. Fyrsta alvöru úrlausnin eftir að bankahrunið setti hér allt á annan endan - í boði Hæstaréttar og íslensku krónnunnar.

Nú þarf bara Alþingi að gera betur..........

Öll gengistrygging ólögleg

Hér er ég sammála Viðskiptaráðherra!

Það gleður mig að heyra þessi orð frá viðskiptaráðherra sem margir munu hafa haldið að teldi þetta slæm tíðindi vegna afsöðu til bankanna. En Gylfi er að mínu mati hæfur hagfræðingur enda yfir Viðskipta- og hagfræðideild Háskóla Íslands. Skuldir heimilanna tefja fyrir framgangi mála í atvinnulífinu og draga úr neyslu sem er nauðsynleg til að viðhalda hagkerfinu. Því fleiri sem hafa efni á því að neyta vöru og þjónustu, þess betra fyrir efnahagskerfið.

Með þessum dómi hefur létt á skuldum heimilanna. Þó, því miður, eru enn í stórfelldum vandræðum vegna annarra afleiðinga bankahrunsins s.s. þeir atvinnulausu sem ekki hafa efni á að greiða af lánum sínum hvort sem þau eru leiðrétt eður ei. Einnig er það millistéttin - fjölskyldufólkið sem rétt mögulega gat náð endum saman en getur ekki lengur vegna kaupmáttarrýrnunar og síhækkandi skuldum. Láglaunafólkið og bótaþegar eru líka í þessum hópi.

Það er því enn langt í land með úrlausnir fyrir almenning. En hér má sjá byrjun og hérna skaut réttarkerfið Alþingi ref fyrir rass.

Gott væri nú ef Alþingi gæti klárað málin á þessum nótum.

Áhrif dómsins að mestu til góðs

Stórtíðindi!

Hér hlýtur að hafa skapast fordæmi fyrir myntkörfulán fasteigna líka. Þetta eru merk tíðindi og hljóta að fela í sér mikla leiðréttingu skuldurum til hagsbóta.

Ég segi bara - til hamingju allir með þennan áfanga. Vonandi halda hjólin áfram að snúast í rétta átt!

Gengistryggingin dæmd óheimil

Gengið var útfrá að gjaldeyrissamningar væru löglegir.

Nú er til meðferðar í Hæstarétti hvort gengistryggðir samningar séu löglegir og er svara að vænta um mánaðarmót. Þegar AGS endurskoðaði efnahagsáætlun ríkisstjórnarinnar öðru sinni var gengið útfrá að endurfjármögnun bankanna væri lokið og hluti þessa var að gengistryggðu lánin voru færð yfir án fyrirvara um væntanlegan dómsúrskurð Hæstaréttar. Þessir aðilar voru m.a. ríkisstjórnin, AGS og lánadrottnar.

Ef svo fer að Hæstiréttur staðfesti dóm Héraðsdóms Reykjavíkur um ólögmæti gengistryggðra lána mun það þýða að niðurfærsla höfuðsstóls vegna þess mundi nema hundruðum milljóna.

Það er því ekki að undra að AGS og lánadrottnar geri hvað sem í þeirra valdi stendur til að ekki komi til leiðréttingar lána almennings.

Stjórnvöld gátu vegna þessa komist hjá því að axla töp og tryggja lánadrottnum heiðarlega og sanngjarna meðferð samkvæmt RÍKJANDI LÖGUM.

Spurningin er bara - heiðarlega og sanngjarna gagnvart hverjum?

Á síðu Avant banka má sjá að boðið er uppá úrræði séu þau nýtt fyrir 1. júlí. Mér er spurn hvort þetta hafi eitthvað með þá dagsetningu sem Hæstiréttur væntir að svar verði komið við lögmæti gengistryggðra lána. Mér er líka spurn hvort lánastofnunum sé stætt á svona afgerandi dagsetningum hvað varðar úrræði fyrir einstaklinga sem eiga í erfiðleikum sökum kreppunnar.

Það verður því fróðlegt að fylgjast með hvað kemur útúr þessari umræðu á þingnu.

Þingfundur hefst á hádegi

Mörg lítil hagkerfi vinna ekki sem eitt stórt!

Í grein úr Financial Times má lesa eftirfarandi:

 "The European Union is a tyranny of small countries, and this has served it well. But the small-country syndrome is counterproductive when it comes to macroeconomics. I was struck last week by two remarks from Herman Van Rompuy, the president of the European Council. He defended the fast spreading austerity programmes on the grounds of the robust economic recovery. And on intra-eurozone imbalances, he said it was mostly a problem of countries with current account deficits."

"Governments now implement austerity packages without any consideration of the effect on other countries. Austerity started in Greece, spread to Portugal, Spain, Italy and Germany."

"The Bank of Italy last week estimated that the effect of the austerity package would be to reduce the country’s already anaemic economic growth by 0.5 percentage points. In other words, the package is very likely to throw Italy back into recession. The same is almost certainly going to happen in Greece and Spain."

 "The message the EU sends to the rest of the world is that it does not care about growth. But sustainable debt reduction is extremely difficult in the absence of growth.
It is the tragedy of the eurozone that it is run as a collective of small countries."

Einnig kemur fram í þessari grein að Frakkland sé sennilega eina landið þar sem hugsunin er lík og í stórum opnum hagkerfum meðan flest hinna vinna sem lítil opin hagkerfi. Því miður fyrir Evrusvæðið er Frakkland ekki stærsta landið og mun ekki athuga með inngöngu fyrr en eftir kosningar 2012 - ef það hættir ekki alveg við það þar sem enginn áhugi virðist vera á hagvexti innan Evrópusambandsins.

Einhversstaðar las ég að það mundi kosta Íslenska ríkið um 7 milljarða að fara í þetta ferli. Ef þessum 7 milljörðum væri veitt inní atvinnuleysisbótakerfið væri hægt að hækka framfærslu þar um ca 40þús á mánuði miðað við 16000 atvinnulausa, sem gæti munað þá umtalsvert um lífsgæði.

Spáið í það.

Meirihluti vill draga umsókn um aðild til baka

Hreyfingin er fyrir fólkið í landinu!

Meðan ríkisstjórnin hefur skotið skollaeyrum við vandræðum heimilana þá er gott til þess að vita að almenningur á "sitt fólk" á Alþingi. Það eru einstaklingar þarna inni sem berjast fyrir fólkið og lýðræði í landinu. Vonleysi fólks á þessu sviði hefur verið að aukast þegar æ ljósara virðist að Skjaldborg Jóhönnu var lítið annað en Skjaldborg fyrir lánadrottna og bankastofnanir í samvinnu með AGS. Tjaldborg heimilanna var reist við Austurvöll sl. föstudag til að minna á að enn væru óleyst mál heimilanna og mörg þeirra að sökkva æ dýpra í skuldafen. Skuldafen sem á ekki rætur að rekja til óráðsíu fólksins í landinu heldur bankamanna og sjóndepurð stjórnvalda. Tjaldborgin hrópaði eftir Alþingi fyrir fólkið í landinu og að stjórnina þyrfti annaðhvort að vekja eða hrekja.

Það kom lítið á óvart að þingmenn Hreyfingarinnar ásamt Lilju Mósesdóttur komu í heimsókn í Tjaldborgina og var þeim vel tekið. Reyndar kíkti Ögmundur við líka, en aðrir þingmenn létu lítið fyrir sér fara.

Það sorglega er að þetta er of lágt hlutfall þingmanna. Við þurfum fleiri þingmenn fólksins á þing.

En fólkið í landinu hefur risið upp áður og sameinast um að fá sínu fram svo vitnað sé í búsáhaldabyltinguna. Fólkið í landinu getur risið upp að nýju og látið til sín heyra. Því það vill svo til að sameinuð getum við gert svo margt.

Ég vil hvetja fólkið í landinu - þjóðina - að rísa upp og krefjast þess að almenningur og þarfir hans verði settur í forgang hjá Alþingi okkar Íslendinga.

Einlægur vilji þingmanna að klára mál heimilanna

Nokkuð ljóst að ríkisstjórnin fer ekkert eftir óskum almennings!

Margar kannanir hafa sýnt fram á það að almenningur hefur ekki áhuga á ESB. Til hvers í ósköpunum getur þessi ríkisstjórn ekki skilið sitt fólk? Einnig eru uppi háværar raddir um AGS og ekki að furða þar sem þeir hreinlega koma í veg fyrir að ráðist verið í frekari aðgerðir fyrir heimilin. Það hentar ekki þeim erlendu lánadrottnum sem þeir vinna fyrir. Hélt virkilega einhver að það væri að gera okkur greiða með þessu! En ríkisstjórnin hlustar ekki á almenning í þessu tilfelli heldur.

Ef ríkisstjórn sem kosin er af almenningi fer svo á skjön við það sem almenningur vill hlýtur að vera komin upp sú staða að ríkisstjórnin verður að taka tvö atriði til greina. Annaðhvort að vinna fyrir almenning í landinu eða, ef það er ógerlegt af þeirra hálfu, segja af sér.

Nú eru þessir ágætu þingmenn að fara í sumarfrí - með ennþá allt í óvissu sem að almenningi lítur. Einnig verður hjálparstofnunum sem hafa séð mörgum fyrir mat í sumarfríi í mánuð. Kannski ef ríkisstjórnin hlypi þar undir bagga og tæki að sér sjálfboðastarf við að úthluta mat til þeirra sem ekki hafa efni á að kaupa nauðsynjar lengur fyrir sig og börnin sín, þá kannski, kannski mundu augu þeirra opnast til hálfs.

Nei - það er sennilega of mikil bjartsýni.

Umsóknin er ekki á dagskrá

Vil að stjórnin segi af sér strax!

Auma stjórn!

Þið sem hafið selt íbúa landsins í ánauð. Þið sem hafið lofað AGS að ekki verði frekari aðgerðir til boða fyrir heimilin í landinu. Þið sem hafið lofað að draga saman til þess að láta undan erlendurm (og innlendum) lánadrottnum. Þið sem aukið atvinnuleysi og komið í veg fyrir að hjól atvinnulífsins geti farið að snúast að nýju. Þið sem viljið gera okkur að hinni nýju Argentínu.

Gerið nú það eina rétta. Segið af ykkur svo dugmeiri og þornari aðilar getið bjargað ykkar óskunda.

Þið vinnið ekki fyrir Íslendinga! Þið vinnið fyrir lánadrottna og bankastofnanir.

Þið eigið ykkur enga framtíð í pólitík. Til þess eruð þið of duglaus.

Ef þið ætlið ekki að standa uppi fyrir eigin þjóð - gerið öllum greiða. Segið af ykkur!

Niðurskurður mun bitna á öllum

Við verðum með "made in China" stimpil á enninu.........

Börnin okkar fara úr göllunum sem á stendur "Eign ríkisspítalanna" á fæðingardeildinni í eitthvað sem er vandlega merkt "made in China". Um fermingu fá svo allir stimpil á ennið og Stjórnmáladeild Háskólans verður flutt til Peking........

 ESB innlimun smáþjóðar að Kínverskri fyrirmynd? 

Hvar er ég?  The Twilight Zone?

En þetta er svona Jóhönnupælingin í þessu. Hin spurningin er, hvað er raunverulega í gangi. Eftir að lesa ýmsa pistla (og kíkja á fréttir) þá er líklegast að lega landsins sé eitt af því sem skapi þennan áhuga Kínverja á okkar litla landi. Þegar siglingaleið opnast um Norðurhöf þá erum við klárlega besti kostur fyrir uppskipunarhöfn t.d. þessa stórveldis. Eins höfum við ákveðna sérstöðu þar sem við erum utan ESB og ákvarðanir okkar eru EKKI teknar í Brussel - sem er gott.

Svo ég er ennþá að velta þessu fyrir mér. Jú - við þörfnumst erlends fjármagns og það fljótt til að geta komið hagkerfinu í gang. Nei - Evran og ESB er ekki fýsilegur kostur. Kínverjar eiga nú þegar mikið magn dollara og miklar fjárfestingar innan USA. Eins munu þeir allríkir af Evrum. Héðan geta þeir átt auðveldar með viðskipti í Evrópu.

Hafa Rússar verið að koma sterkir inn? Ég held ekki, án þess þó að vita það. Kaninn hafði hér aðstöðu en kaus ekki að nýta hana í viðskiptalegum tilgangi. Þess vegna er ekki útséð með áhuga þeirra á okkur með fjárfestingar í huga.

Ég held ekki að pólitískt hafi Kínverjar áhuga, þeir hugsa frekar um viðskipti. Og þeir hugsa langt fram í tímann.

Svo ég hef ekki gert það upp við mig hvort þetta er "slæmt" eða "tækifæri". Kínverjar eru ekki vinsælir hér og eins ekki þeirra pólitísku aðgerðir. Svo mikið er víst.

 

 

Jóhanna: Lítum til Kína eftir fyrirmyndum