Svona er nú lífið frábært í ESB og Evrulandi!

Grikkirnir, nýkomnir í ESB, þurfa að selja eyjar til að forðast þjóðargjaldþrot. Skildi Össur vita af þessu? Hann er kannski búinn að ráðstafa Viðey, Gullfossi, Geysi og jafnvel fleiri stöðum sem hægt er að selja ríkum fjárfestum til að forða okkur þegar við förum í Evrulandið góða.

Bandaríkjamenn benda Evrópubúum á að reyna að efla hagvöxt. Hagvöxtur hefur verið lítill í ESB paradísinni og lítil áhersla verið lögð á hann sem slíkan. Einnig er varað við að lækka skuldir ríkja of hratt á meðan ríkið situr hér með útstrikunarpennann á fullu til að standast væntingar ESB um skuldir ríkja sem sækjast eftir aðild.

Allstaðar í kringum okkur erum við að sjá afleiðingar þess að ganga til liðs við Evrulöndin góðu. Ég er ekki impressed! En samt heldur Össur og co áfram eftir að hafa vanhelgað þjóðhátíðardag Íslendinga með því að hefa aðildarviðræður og blása sér á brjóst.

Kannski hann ætti að lesa blöðin blessaður.

Eyjur til sölu

Góð lög fóru í gegn í dag - til bóta fyrir skuldsettar fjölskyldur.

Svona innst inni þá vona ég að þessi litli hópur sem barði pottlok af hjartans innlifun hafi átt þarna hlut að máli - þeir eiga það skilið.

Fern ný lög litu voru afgreidd í þágu skuldara, þ.m. lög um umboðsmann skuldara. Eins voru afgreidd lög um tímabundna aðlögun fasteignaveðkrafna í íbúðarhúsnæði. Eftir að hafa lauslega kynnt mér þessi nýju lög má sjá að einstaklingar sem eiga í tímabundnum sérstökum vanda geta haldið eign sinni með því að borga 60% af markaðsleigu húsnæðisins í stað 100% áður. Vissulega til bóta.

Þetta gæti vissulega þýtt það fyrir marga að þeir geta nú haldið í eignir sínar t.d. í tímabundnu atvinnuleysi. Þetta er von fyrir marga og ber að fagna.

Vísa hér í 5.gr nýsettra laga.

 

Um 5. gr.

    Í a-lið er lögð til breyting á 3. málsl. 1. mgr. 5. gr. Í gildandi ákvæði er kveðið er á um að fastar mánaðargreiðslur skuldara til greiðslu veðkrafna megi ekki nema lægri fjárhæð en umsjónarmaður metur að samsvari húsaleigu á almennum markaði fyrir eignina sem greiðsluaðlögun fasteignaveðkrafna varðar. Við útreikning þeirrar leigu er heimilt að taka tillit til gjalda sem leigjandi mundi að jafnaði ekki greiða, svo sem fasteignagjalda, hússjóðs, trygginga, hita og rafmagns. Breytingin felst í því að sett er inn heimild til að víkja frá meginreglunni um hæfilega húsaleigu séu sérstakar tímabundnar aðstæður fyrir hendi hjá skuldara.
    Þá undanþáguheimild ber þó að skýra þröngt. Miða verður við að ekki sé verið að auðvelda skuldara að halda húsnæði sem hann hefur ekki efni á að halda. Væri því hér um að ræða óvenju mikla erfiðleika sem sýnt er fram á að verði tímabundnir, svo sem vegna atvinnuleysis sem varað hefur í lengri tíma en ætla má að ekki sé varanlegt, eða tímabundinna veikinda sé ljóst að skuldari muni til frambúðar standa undir greiðslum. Sú takmörkun er gerð að ekki megi þó ákvarða greiðsluna lægri en sem samsvarar 60% af hæfilegri húsaleigu og einungis tímabundið. Með því er mögulegt að mæta sérstökum aðstæðum skuldara án þess þó að leiða megi að því líkur að skuldari haldi eign sem hann muni ekki til frambúðar standa undir. Það getur verið hagur jafnt skuldara sem lánardrottins að áfram sé greitt af áhvílandi veðlánum þótt það sé undir markaðsleigu frekar en að lánardrottnar þurfi að leysa til sín óþarflega margar eignir.

 

Þingfundum frestað

Ha? Í alvöru? Er eitthvað að?

Er engin að velta því fyrir sér af hverju þessi ríkisstjórn situr enn? Eða eru allir að velta því fyrir sér en enginn veit hvað skal gera? Nema kannski þessir heilu 15 sem sátu vaktina á Austurvelli í dag og börðu á pottlok. Erum við bara 15 sem viljum breytingar hérna? Og að ríkisstjórnin víki þar sem greinilegt er að hún er ekki störfum sínum vaxin?

First allir eru svona sáttir - afhverju eru þá allir að rífast og blogga? Hvernig væri að gera eitthvað?

Nei - ég bara spyr........

Enginn gerði neitt

Dómur sem þessi skal standa.

Þessi réttláti dómur Hæstaréttar er fyrsta skref okkar í átt til réttlætis. Fram til þessa hafa stjórnvöld verið gagnslaus þegar komið er að lánafyrirtækjum, sérstaklega viðskiptabönkunum. Hvers vegna að skipa þessa skjaldborg um bankana spyrja sig flestir.

Svarið er fjári augljóst en alveg jafn ósanngjarnt. 

Númer eitt.  Ríkið þarf að leyta til viðskiptabankanna eða erlendra viðskiptabanka eftir lánum því Seðlabanki Íslands lánar eingöngu skammtímalán til viðskiptabankanna. Þar koma stýrivextirnir inn. Ofan á þá er síðan bætt á vöxtum sem ríkið þarf að greiða. Fáránlegt fyrirkomulag. Hví sér ekki Seðlabanki Íslands um lán beint til ríkisins? Það mundu sparast milljarðar og milljarðar ofan á vaxtagreiðslum ríkisins. Og ríkið þyrfti ekki að slá skjaldborg um viðskiptabankanna heldur væru þeir þá bara á frjálsum markaði og þyrfti að starfa sem slíkir. Og fara á hausinn sem slíkir ef til þess kæmi.

 

Númer tvö: Hér á landi er óargadýr sem heitir AGS. Þeir setja stífar kröfur um þessa bankastarfsemi og uppbyggingu hennar. AGS hefur anga inní ESB sem einhverjir kálfar vilja enn sjá hérna, þrátt fyrir að meira að segja vinir okkar Danir séu nú farnir að spyrna harkalega við fótum. Aðildarferlið kostar milljarða og milljarða ofan. AGS og ESB hafa svo anga sína líka inní Icesave. Það er óþarfi að útlista það nánar.

Ég býð ríkinu þessa lausn, gjaldfrjálst, að losa sig við AGS - hætta þessu þvaðri um ESB - breyta lögum um Seðlabanka Íslands og spara þar með milljarða og milljarða ofan. Hætta við niðurskurð í velferðarkerfinu og hefja innspýtingu fjármagns í efnahagskerfið svo atvinnulífið fari að blómstra og fólk geti rétt úr kútnum og borgað lán sín og skatta - ásamt því að lifa.

Værsgo!

 

Samningsvextir haldist ekki

Taka á skuldavanda einstaklinga Árni Páll!

Mikið tautað - lítið gert.

Í landinu eru um 17000 atvinnulausir og inni í þeirri tölu er ekki dulið atvinnuleysi sem er talsvert. Greiðsluaðlaganir duga skammt fyrir þessa hópa.

Setja þarf bráðabirgðalög - jafnvel neyðarlög sem gera fjármálafyrirtækjum að frysta lán þeirra skuldara sem klárlega komust í slæma stöðu í kjölfar hrunsins. Það er ekki stóra málið að fylgjast með hverjir hafa staðið í skilum þar til allt brast. Á þetta fólk ekki skilið að fá aðstoð jafnt þeim sem ennþá hafa sína vinnu?

Við skulum ekki gleyma hverjir sváfu á verðinum.

Við skulum ekki gleyma að þegar verðtryggingin var sett á þá voru skuldir heimilanna um 25% af ársinnkomu. Nú er þessi tala komin uppí 300%. Við erum að tala um hækkun uppá 82.000%

Er möguleiki að Alþingi hafi yfirsést að þetta gat aldrei endað öðruvísi en illa?

Hvernig leysir þú þennan vanda Árni Páll? Með því að tala við blaðamenn? Með því að hygla undir þeim sem enn eru skítsæmilega settir?

Nei - held ekki.

Kannski þú takir þátt í mótmælunum á morgun. Mótmælum þeirra sem vilja standa vörð um heimilin. Má bjóða þér?

Heimilum á vonarvöl fjölgar hraðar en það tekur ríkisstjórnina að karpa um búvörur, fiskistofna og svo ég tali nú ekki um ESB.

Nú þarf að hugsa um EITT og aðeins EITT. Að bjarga heimilum og fjölskyldum í landinu. Hugsa svo um atvinnuskapandi lausnir - smurolíu á efnahagskerfið. Breytingar á skattaálögum sem styðja þetta tvennt.

Hugsanlega fær ríkið goodwill ef umheimurinn sér að verið er að taka á vanda þjóðarinnar í stað þess að hengja haus fyrir framan stóru pólitíkusana í útlandinu. Byggja upp - ekki brjóta niður.

Dómurinn skapar ekki peninga

Voru ekki lög innan ESB um algert hrun heils bankakerfis?

Þó svo langt sé liðið frá þessari umræðu þá voru hér uppi háværar raddir fyrir ekki svo alls löngu að það leyndust fremur ófullkomin lög er varða það þegar heilt efnahagskerfi fellur sem ætti ekki að samræmast því sem gerist þegar einstaka stórbankar hrynja. Þessi forsenda er ekki til staðar í augum Breta og Hollendinga sem hafa verið harðir í samningum þegar kemur að Ice-save. En hefur ekki fengist nein almenn réttarstaða Íslendinga vegna þessa.

Hversu lengi á þessi óvissa að standa yfir og hversu lengi á þessi þjóð að bíta úr nálinni fyrir erlenda áhættufjárfesta?

Bretar reiðubúnir í Icesave-viðræður

Oft hefur nú ríkið notað "þrepakerfi"

En það hefur reyndar oftast átt við um skatta. Nú er kominn tími til að leiðrétta verðtryggðu lánin, jafnvel í þrepum. Hvort um algert afnám hennar verður svo eða komið á ákveðnu þaki sem mun verja lántakendur fyrir sveiflum í hagkerfinu er einn möguleiki. Allt þetta verður að skoða. Það er óhæft að hin almenna fjölskylda geti sér ekki um frjálst höfuð strokið vegna gífurlegra hækkana lána á sama tíma og kaupmáttur launa fer lækkandi. Það er ástand sem aldrei getur endað vel - og ekki er það sparnaðarhvetjandi þótt síður sé.

Íslendingum er "gert" að leggja fyrir ákveðinn sparnað af launum sínum í formi lífeyrissparnaðar. En neysla er líka nauðsynleg til þess að það skapist hér atvinnugrundvöllur. Einnig verður að endurskoða skatta og skattleysismörk. Hækkun skatta á sprotafyrirtæki er eingöngu til þess að draga úr þessu atvinnuskapandi afli og að skattar séu lagðir á t.d. bótaþega sem jafnvel þurfa að standa í röðum til að fá matargjafir er hreinlega skammarlegt.

Það er víða pottur brotinn í íslensku stjórnkerfi og kominn tími til að endurskoða það vandlega. Ef ekkert er að gert erum við á leið í fjöldafátækt. Það bitnar á okkur öllum, sér í lagi börnunum okkar. Og ekki skapar það af sér tekjur fyrir þjóðarbúið.

Nú er mál að snúa þessu við. Fjármálafyrirtæki þurfa líka að taka á sig skelli, enda hafa þau tekið miklar áhættur í sínum viðskiptum. Í langan tíma hefur áhætta lánveitenda verið takmörkuð með t.d. verðtryggingunni. Enginn möguleiki er fyrir lántakendann að hagnast mögulega á viðskiptum sínum. Ef á endanum enginn getur tekið lán er illa komið fyrir fjármálafyrirtækjum. Þau lifa eingöngu á viðskiptavinum sínum stórum og smáum.

Ég segi það og meina, okkur er ekki vel borgið með að skapa hér fátæktarríki og setja fólk útá guð og gaddinn. Aðgerða er þörf!

Varar við of miklum væntingum

Fáránleiki stjórnmálanna

Ísland er klofið í afstöðu sinni til ESB - samt á að sækja um aðild. Aðildarríkin eru klofin í afstöðu sinni um aðild Íslands, nema það lúkkar vel í þeirra erfiðleikum. Sumir vilja hengja þetta á Icesave aðrir ekki. Er enginn að sjá þetta pólistíska rugl?

Við viljum ekki, þeir vilja ekki - en samt á að eyða milljörðum í þetta?

Halló, er einhver vakandi þarna í Samfylkingunni?

Eining ESB í Icesave-deilunni

En ekki hvað Steingrímur!

Auðvitað er þetta áfellisdómur, en ekki á fjármálakerfið per se heldur þá sem eiga að vera að stjórna því. Og þar fer nú Steingrímur í broddi fylkingar sem fjármálaráðherra. Auðvitað áttu stjórnvöld að vera löngu búin að grípa í taumana strax. Auðvitað átti FME að vera búið að grípa í taumana. Þetta eru eftirlitskerfin sem hafa brugðist og eru svo máttvana að það þarf úrskurð Hæstaréttar til þess að flengja þau!

Hvernig væri nú að fara að líta á stöðu þeirra sem eru ennþá í stórum vandamálum vegna bankahrunsins sem sömur eftirlitskerfi (stórnvöld og FME) bókstaflega sáu ekki fyrir, á einhvern óskiljanlegan hátt. Við erum með 17000 atvinnulausa sem ekki geta greitt sín venjulegu lán. Allt dulda atvinnuleysið þ.e. fólk sem á ekki bótarétt og fer í skóla eða bætur hjá félagsþjónustu. Megnið barnafólk. Hvenær á að taka af skarið og frysta lán þessa fólks þar til það getur um höfuð sér strokið á ný svo dæmi sé tekið. Hvernig væri að stöðva nauðungarsölur uns fólk getur í það minnsta unnið fyrir sér og sínum?

Fussum svei 

Steingrímur telur þetta áfellisdóm? Ó já, það er hann. En hann ætti að spá í hvað almenningur sem kaus hann á þing heldur um hann á þessum tíma. Ef ég væri annað hvort Jóhanna eða Steingrímur þá mundi ég ekki fara út fyrir hússins dyr uns ég hefði lausn fyrir almenning.

Amen

Meiriháttar áfellisdómur

Átakanlegt píp!

Heilladagur hvað? Það hefur margoft sýnt sig í skoðanakönnunum að meirihluti Íslendinga er andvígur þessari umsókn og vilja ekki ESB. Þetta er svo týpískt dæmi um það "lýðveldi" sem við búum í - þ.e. miðstýrðir stjórnmálamenn taka ákvarðanir eftir sínum eigin pólitíska haus.

Ég á mér eina ósk núna á þessum annars ágæta þjóðhátíðardegi, hafandi hlustað á Jóhönnu von Skjaldborg tala enn einu sinni um lausnir til heimilanna - eins og hún hefur nú brillerað í þá áttina. Nú og svö Össur núna skríkjandi um ESB viðræður sem kosta okkur milljarða. Hún er sú að þessi ríkisstjórn fari í sumarfrí sem fyrst og komi aldrei aftur. Því mundi ég fagna heilshugar.

Það þarf að vekja eða hrekja þessa ríkisstjórn í burtu. Hún er ennþá með sitt ámátlega píp sem er ekkert í samræmi við það sem þjóð vor þarfnast eða vill. 

Amen

„Heilladagur fyrir Ísland“